|
 Bu
günlərdə Gəncədəki Heydər Əliyev Mərkəzində Gəncə Dövlət
Universitetinin təşkilatçılığı ilə Milli Qurtuluş Gününə
həsr olunmuş "Riyaziyyat və İKT-nin tətbiq sahələri -
yeni tədris texnologiyaları" mövzusunda beynəlxalq
konfrans keçirilib. Konfransda Gəncə Şəhər İcra
Hakimiyyətinin başçısı Elmar Vəliyev Milli Qurtuluş Günü
ərəfəsində keçirilən tədbir münasibətilə iştirakçıları
salamlayaraq konfransa uğurlar arzulayıb.
Plenar iclası açıq elan edən universitetin rektoru,
professor Yusif Yusibov konfrans iştirakçılarını
salamladıqdan sonra tədbirin əhəmiyyətindən danışıb.
Sonra AMEA-nın Gəncə bölməsinin akademik katibi Fuad
Əliyev, AMEA Riyaziyyat və Mexanika İnstitutunun elmi
işlər üzrə direktor müavini, professor Soltan Əliyev,
Gürcüstan Respublikasının Telavi Dövlət Universitetindən
professor Mariam Zakariaşvili, Bakı Dövlət
Universitetinin kafedra müdiri, dosent Vaqif Qasımov,
AMEA Riyaziyyat və Mexanika İnstitutundan Əli Babayev,
Qafqaz Universitetindən Yaşar Hacıyev və başqaları çıxış
edərək konfransa uğurlar diləyiblər.
Tədris işləri üzrə prorektor Fəxrəddin Məmmədov, elm və
texnika üzrə prorektor Pərvin Kərimzadə, YAP Gəncə şəhər
Təşkilatının sədri Naqif Həmzəyev, informatika
kafedrasının müdiri, dosent Əkrəm Aslanov və kafedranın
müəllimi Vasif Həsənov çıxışlarında GDU-nun son
illərdəki nailiyyətlərini, konfransın keçirilməsinin
məqsəd və məramını iştirakçıların diqqətinə çatdırıblar.
Plenar iclasın sonunda qətnamə oxunub.
Mətbuat xidməti |
