|
Azərbaycan Dövlət İqtisad Universitetində yeni layihəyə
start verilib. Layihə "İnnovativ biznes inkubator"
adlanır. Universitetin nəzdində "Azərbaycan Gəncliyi
2011-2015-ci illərdə Dövlət Proqramı" çərçivəsində
həyata keçirilən layihənin əsas məqsədi tələbə və
gəncləri biznesə cəlb etmək, tələbə sahibkarlığını
inkişaf etdirməkdir.
Layihədə həmçinin, ADİU-nun professor-müəllim
heyətinin sosial təminatının yaxşılaşdırılması da
nəzərdə tutulub. Onlar "İnnovativ biznes inkubator"
layihəsi çərçivəsində innovativ biznes yönümlü
metodiki vəsaitlərin yazılması, təlim və "ustad
dərsləri"nin keçilməsi, mentorluq, konsaltinq, biznes
planların, keyslərin hazırlanması və bu kimi
məsələlərə cəlb ediləcəklər.
İnkubatorun əsas funksiyaları "Start-up" layihələrlə
müraciət edənlərə öz bizneslərini qurmaqda
tədris-metodiki, maddi-texniki, psixoloji məsələlərdə və
maliyyə dəstəyi ilə kömək etməkdir.
Hicran ƏKBƏROVA,
"Azərbaycan müəllimi" |
