|
Təhsil Nazirliyi, Azərbaycan Futbol Federasiyaları
Assosiasiyası və "Coca-Cola" şirkətinin 7-ci və 9-cu
sinif şagirdləri arasında birgə keçirdiyi "Coca-Cola
Məktəbli Kuboku" futbol yarışının 7-ci siniflər üzrə
qalibi müəyyənləşib.
2013-2014-cü il mövsümünün 7-ci siniflər üzrə final
qarşılaşması Hövsan Olimpiya Kompleksində baş tutub.
Nərimanov rayonu 177 nömrəli orta məktəbin komandası ilə
Bərdə rayon 3 nömrəli orta məktəbin komandasının final
görüşü gərgin mübarizə şəraitində keçib və 177 nömrəli
məktəbin şagirdləri bərdəliləri 2:1 hesabı ilə
üstələyiblər. Sabirabad rayonu 3 nömrəli orta məktəbin
komandası turniri 3-cü yerdə başa vurub.
Qeyd edək ki, Kubok oyunları 2013-cü ilin sentyabrında
başlayıb. Yarış Azərbaycanın bütün rayonlarının
məktəblərini əhatə edib. |
