|
Mayın 18-də Ümumdünya Təbiəti Mühafizə Fondunun
Azərbaycan nümayəndəliyi və "Təbiətin dostları" İctimai
Birliyinin birgə təşkilatçılığı ilə "Biomüxtəlifliyimizi
qoruyaq!" adlı maarifləndirici aksiya keçirilib.
22 may - Beynəlxalq Biomüxtəliflik Gününə həsr olunmuş
aksiyanın məqsədi gəncləri və bütün təbiəti sevənləri
Azərbaycanın zəngin biomüxtəlifliyi ilə yaxından tanış
etmək, onları təbiətə qarşı daha diqqətli olmağa
səsləməkdir.
Otuza yaxın gənc velosipedçi üzərində "Təbiətimizi
qoruyaq!" şüarı olan köynəklərdə paytaxt sakinlərinin
diqqətini cəlb edib. Sonra tədbir AMEA-nın Mərkəzi
Nəbatat Bağında davam edib. Burada "Biomüxtəlifliyimizi
qoruyaq!" mövzusunda seminar keçirilib. Seminarda çıxış
edənlər Azərbaycanın zəngin biomüxtəlifliyi haqqında
məlumat verib, ekoloji maarifləndirmənin əhəmiyyətindən
danışıblar. Mərkəzi Nəbatat Bağında həmçinin açıq səma
altında Azərbaycanın zəngin təbiətinə və
biomüxtəlifliyinə aid fotosərgi keçirilib, bağa
ekskursiya təşkil olunub.
Qeyd edək ki, Ümumdünya Təbiəti Mühafizə Fondunun
Azərbaycan nümayəndəliyi 2001-ci ildən fəaliyyət
göstərir. Bu müddət ərzində nümayəndəlik Azərbaycanda
biomüxtəlifliyin qorunması və inkişaf etdirilməsi
istiqamətində bir çox layihələr həyata keçirib.
Samirə KƏRİMOVA,
"Azərbaycan müəllimi" |
