|
 Bakıdakı
45 nömrəli tam orta məktəbin idman zalında Bakı Şəhəri
üzrə Təhsil İdarəsi və Bakı Şəhər Gənclər və İdman Baş
İdarəsi tərəfindən paytaxt məktəbləri üzrə XXVI
spartakiadanın proqramına daxil olan oğlanlar arasında
basketbol yarışı keçirilib.
Yarışın nəticəsinə görə I yeri Nərimanov rayonu Məktəb
Lisey Kompleksin, II yeri Qaradağ rayonu 139 nömrəli tam
orta məktəbin, III yeri Yasamal rayonu Bakı Avropa
Liseyin, IV yeri Nizami rayonu 220 nömrəli
məktəb-liseyin, V yeri Sabunçu rayonu 169 nömrəli tam
orta məktəbin, VI yeri Xətai rayonu 269 nömrəli tam orta
məktəbin, VII yeri Binəqədi rayonu 244 nömrəli tam orta
məktəbin, VIII yeri Nəsimi rayonu 164 nömrəli tam orta
məktəbin, IX yeri Xəzər rayonu 234 nömrəli tam orta
məktəbin, X yeri Suraxanı rayonu 76 nömrəli tam orta
məktəbin, XI yeri isə Səbail rayonu 236 nömrəli tam
orta məktəbin komandaları tutublar.
Yarışın bağlanış mərasimində Bakı Şəhər Gənclər və İdman
Baş İdarəsinin baş məsləhətçisi, XXVI spartakiadanın baş
hakiminin müavini Salman Əbdülov və Bakı Şəhəri üzrə
Təhsil İdarəsinin məsul işçisi, XXVI spartakiadanın baş
katibi Valentina Sultanova qalibləri təbrik edib,
onlara gələcək yarışlarda müvəffəqiyyətlər arzulayıblar.
Yarışda I, II və III yerləri tutmuş komandaların üzvləri
Bakı Şəhər Gənclər və İdman Baş İdarəsi tərəfindən
müvafiq dərəcəli diplomlar və xatirə hədiyyələri ilə
təltif olunublar.
XXVI spartakiadanın dama, şahmat, stolüstü tennis,
voleybol (qızlar və oğlanlar), dördnövçülük (qızlar və
oğlanlar), basketbol (qızlar və oğlanlar) və mini-futbol
növləri üzrə yarışlarından sonra Nizami rayonu I,
Nərimanov rayonu II, Qaradağ rayonu III, Xətai rayonu
IV, Sabunçu rayonu V, Səbail rayonu VI, Xəzər rayonu
VII, Suraxanı rayonu VIII, Yasamal rayonu IX, Binəqədi
rayonu X, Nəsimi rayonu isə XI yerləri tutublar.
R.ZİYADOV,
"Azərbaycan müəllimi" |
