|
Ümumtəhsil məktəblərinin Xl sinif şagirdlərinə müstəqil
Azərbaycan tarixi üzrə "Ulu öndər Heydər Əliyev
müstəqil Azərbaycanın qurucusu və memarıdır" və
"Ümummilli lider Heydər Əliyevin ideyaları müasir
Azərbaycanın sosial-iqtisadi inkişafının
təminatçısıdır" mövzularının tədrisi ilə əlaqədar
Biləsuvar rayonunda geniş tədbirlər planı təsdiq
olunaraq həyata keçirilməsinə başlanılıb.
Heydər Əliyev Mərkəzində keçilən dərslər rayonun 26
tam orta məktəbinin 41 XI sinfində təhsil alan 929
nəfər şagirdi əhatə edəcəkdir.
Məktəblilərin çox böyük maraq göstərdikləri məşğələlərdə
Biləsuvar Rayon İcra Hakimiyyətinin, rayon təhsil
şöbəsinin, Yeni Azərbaycan Partiyası rayon
təşkilatının məsul işçiləri fəal iştirak edir,
ümummilli liderin zəngin siyasi irsinin, xalqımız
qarşısında misilsiz xidmətlərinin daha dərindən
öyrənilməsində səylərini əsirgəmirlər. 2013-cü ildə
istifadəyə verilmiş və Azərbaycan Respublikasının
Prezidenti cənab İlham Əliyevin açılış mərasimində
şəxsən iştirak etdiyi Heydər Əliyev Mərkəzi ilə
tanışlıq da şagirdlərdə sonsuz maraq doğurur. XI
sinif şagirdləri mərkəzdə ulu öndərin həyat və siyasi
fəaliyyətini əks etdirən kitab sərgisi, fotostend və
digər eksponatlarla yaxından tanış olurlar.
Artıq bu dərslərdə fevral ayı ərzində 13 XI sinifdə
təhsil alan 287 nəfər, mart ayı ərzində isə 10 XI
sinifdə oxuyan 237 nəfər olmaqla ümumilikdə 524 nəfər
şagird iştirak edib.
Müdrik siyasətçi, görkəmli siyasi xadim Heydər Əliyevin
bir rəhbər kimi misilsiz xidmətlərinin şagirdlərə daha
dərindən öyrənilməsi qarşıya məqsəd kimi qoyulur.
Azərbaycanda hüquqi və demokratik dövlət
quruculuğunun müvəffəqiyyətlə həyata keçirilməsində,
ən böyük sərvətimiz olan müstəqilliyimizin daimi, əbədi
və sarsılmaz olmasında Heydər Əliyev kimi dahi
şəxsiyyətin əvəzsiz rolu, təməli ümummilli lider
tərəfindən qoyulmuş uğurlu inkişaf strategiyasının
möhtərəm Prezidentimiz İlham Əliyev tərəfindən
ardıcıllıqla davam etdirilməsi, Azərbaycanın günbəgün
yeni-yeni qələbələrə imza atması tarixi faktlarla
izah olunur.
Məşğələlər zamanı ulu öndərin həyat və siyasi
fəaliyyətini əks etdirən videogörüntülərdən, müxtəlif
əyani vəsaitlərdən və digər təbliğat xarakterli
vasitələrdən geniş istifadə olunur.
***
Müstəqil Azərbaycan tarixinin ümumtəhsil məktəblərində
daha səmərəli öyrənilməsi məqsədilə fevral-may ayları
ərzində Göygöl rayonundakı Heydər Əliyev Mərkəzində də
Xl sinif şagirdlərinə dərsdənkənar vaxtlarda "Ulu öndər
Heydər Əliyev müstəqil Azərbaycanın qurucusu və
memarıdır" və "Ümummilli lider Heydər Əliyevin ideyaları
müasir Azərbaycanın sosial-iqtisadi inkişafının
təminatçısıdır" mövzularında dərslərin tədrisi təşkil
olunub.
Məşğələlərin yüksək səviyyədə aparılması məqsədilə
rayonun ümumtəhsil məktəblərinin peşəkarlığı və metodik
hazırlığı ilə fərqlənən 6 nəfər Azərbaycan və 1 nəfər
rus bölmələri olmaqla 7 nəfər tarix müəllimi seçilib.
Dərslər Göygöl Rayon Təhsil Şöbəsində tərtib olunmuş
xüsusi cədvəl əsasında həmin müəllimlər tərəfindən
tədris olunur.
Dərslərdə 39 tam orta məktəbin Xl siniflərində təhsil
alan 645 şagirdin iştirak edəcəyi nəzərdə tutulub. Hər
bir mövzunun tədrisi üçün 2 akademik saat müəyyən
edilib. Bu günədək 20 məktəbdə hər 2 mövzu üzrə
dərslərin tədrisi başa çatdırılıb. 19 ümumtəhsil
müəssisəsində isə bu iş davam etdirilir.
Məşğələlərə Kəlbəcər rayonunun Göygöldə fəaliyyət
göstərən 8 məcburi köçkün məktəbinin 63 Xl sinif şagirdi
də cəlb olunub.
Hicran ƏKBƏROVA,
"Azərbaycan müəllimi" |
