|
Aprelin 24-də Təhsil Problemləri İnstitutunda Asiya
İnkişaf Bankının nümayəndəsi xanım Fredi Munger ilə
görüş keçirilib. Tədbirdə Təhsil Problemləri
İnstitutunun direktoru Qulu Novruzov, bankın
Azərbaycandakı nümayəndəliyinin iqtisadçısı Nail Vəliyev
və institutun bir qrup əməkdaşı iştirak edib.
Görüşdə institutun direktoru Qulu Novruzov Azərbaycanda
təhsil islahatı və islahatın nəticələri ilə qonaqları
qısaca tanış edərək bu sahədə atılan mütərəqqi addımları
nəzərə çatdırıb.
Azərbaycanda təhsil sahəsində görülən işlər, yeni
kurikulumların tətbiqi vəziyyəti, Azərbaycan
Respublikasının Prezidenti İlham Əliyevin 24 oktyabr
2013-cü il tarixli sərəncamı ilə təsdiq edilmiş
"Azərbaycan Respublikasında təhsilin inkişafı üzrə
Dövlət Strategiyası" və bu sahədə nəzərdə tutulmuş
prioritet istiqamətlər barədə qonağa məlumat verilib.
Görüşdə Dövlət Strategiyasında nəzərdə tutulan
təhsilin 12 illik olması, ibtidai siniflərdə fənlərin
bir və ya bir neçə müəllim tərəfindən tədrisi,
monitorinq və qiymətləndirmə sahəsində görülən işlər,
pedaqoji təmayüllü ali təhsil müəssisələrində
kurikulumların öyrədilmə səviyyəsi, eləcə də
müəllimlərin ixtisaslaşma dərəcəsi, yeni kurikulumların
tətbiqi ilə əlaqədar treninqlərin aparılması, icbari
təhsilin müddəti və s. kimi məsələlərlə bağlı fikir
mübadiləsi aparılıb.
Şəfa KAZIMOVA,
Təhsil Problemləri İnstitutunun böyük elmi işçisi |
