|
Aprelin 14-də Xəzər rayon Gənclər və İdman İdarəsi və
Bakı Şəhəri üzrə Təhsil İdarəsinin birgə təşkilatçılığı
ilə böyüməkdə olan nəslin hərbi-vətənpərvərlik
tərbiyəsinə diqqət və qayğını daha da artırmaq, məktəb
şagirdlərini hərbi idman oyunlarına cəlb etməklə onların
ordu sıralarında xidmətə hazırlanmasına kömək
göstərilməsi məqsədi ilə rayon məktəbləri arasında
"Şahinlər" hərbi-idman oyununun final mərhələsi
keçirilib.
Yarışın mükafatlandırma mərasimində Xəzər rayon Gənclər
və İdman İdarəsinin rəisi Vüqar Əliyev, Xəzər rayon
Hərbi Vətənpərvərlik və Mütəxəssis Hazırlığı Mərkəzinin
müdiri Ağaşah Yusifov, Bakı Şəhəri üzrə Təhsil
İdarəsinin metodisti Bəhram Nağıyev iştirak ediblər.
Qeyd edək ki, yarışda rayon üzrə 29 tam orta məktəbdən
493 nəfər şagird iştirak edib. Yekun nəticədə 123
nömrəli tam orta məktəb I, 26 nömrəli tam orta məktəb
II, 149 nömrəli tam orta məktəb III yerə layiq görülüb.
R.RAMAZANOĞLU,
"Azərbaycan müəllimi" |
