|
 Yeniyetmələrin
Olimpiya Oyunlarının yüngül atletika idman növü üzrə
Avropa təsnifat yarışları ilk dəfə olaraq ölkəmizdə
keçiriləcək. Yarışlara hazırlıq çərçivəsində könüllü
hakimlərin təlimlərinə start verilib.
Martın 1-də keçirilən könüllü hakimlərin təlimlərində "İRƏLİ"
Könüllülər Mərkəzinin üzvləri və digər təşkilat fəalları
iştirak ediblər. Təlimdə ilk öncə Yeniyetmələrin
Olimpiya Oyunlarının Avropa təsnifat yarışlarının
direktoru Məhərrəm Sultanzadə gəncləri salamlayaraq
oyunlar haqqında ətraflı məlumat verib. Beynəlxalq
Atletika Federasiyasının məruzəçisi Nemət Heydərov
tərəfindən keçirilən təlimdə qaçış növləri, nizə atma,
tullanmalar haqqında geniş məlumat verilib.
Daha sonra atletika üzrə beynəlxalq dərəcəli məşqçi,
respublika dərəcəli hakim Aqil Paşayev
respublikamızda keçirilən və iştirakçısı olduğumuz
beynəlxalq turnirlərdən, gənclərin qarşılaşdıqları
problemlərdən söhbət açıb. "İRƏLİ" Könüllülər
Mərkəzinin rəhbəri Nərgiz Qurbani "Bakı 2015" öncəsi
keçirilən ilk test yarışının əhəmiyyəti və
perspektivlərindən danışıb.
Rəşad RAMAZANOĞLU,
"Azərbaycan müəllimi" |
