|
Böyük Britaniyanın "Times Higher Education"
jurnalı 2014-cü il üzrə dünyanın 100 ən yaxşı
universitetinin növbəti reytinq cədvəlini
açıqlayıb. Ali məktəblərin akademik nüfuzunun ən
böyük beynəlxalq tədqiqatçılarından hesab
olunan "Times Higher Education"-un növbəti
reytinq cədvəlinə ABŞ-ın Harvard Universiteti
rəhbərlik edir. Cədvəldə ilk 10 yerdən 8-də
Amerika universitetləri yer alıb.
Britaniyanın Kembric və Oksford universitetləri
keçənilki reytinqlərini bir pillə itirərək bu il
uyğun olaraq 4-cü və 5-ci sırada qərarlaşıblar.
İlk onluğu ABŞ universitetləri tamamlayır.
Almaniya universitetləri reytinq cədvəlində çox
ciddi irəliləyiş əldə ediblər. "Times Higher
Education" dərgisinin hazırladığı dünya
universitetləri illik reytinq cədvəli hazırda ən
nüfuzlu sənəd hesab edilir. Reytinq elmi
dairələrdə keçirilən sorğu nəticəsində müəyyən
olunur. Siyahı əsasən şəxsi fikirlər əsasında
müəyyən edilsə də cədvəlin tərtib olunmasında
dünyanın bir sıra ölkələrindən tanınmış
alimlərin, ekspertlərin rəyləri əsas götürülür.
Dünyanın ən nüfuzlu ali məktəbləri siyahısında
ABŞ 46, Böyük Britaniya 10, Almaniya 6,
Avstraliya və Yaponiya hərəsi 5, Niderland 4
təhsil müəssisəsi ilə təmsil olunub.
Siyahıda Rusiyadan (M.V.Lomonosov adına Moskva
Dövlət Universiteti) və Türkiyədən də bir (Yaxın
Şərq Texniki Universiteti) ali məktəb var.
|
