|
 İngilis
alimləri müəyyən ediblər ki, ailə mübahisələri və
valideynlər arasında gərgin münasibət uşaqların
davranışına, psixikasına mənfi təsir göstərir. Xüsusi
metodla 17-19 yaşlı yeniyetmələrin beyin sisteminin
işini tədqiq edən Şərqi Britaniya Universitetinin
alimləri müəyyən ediblər ki, 11 yaşa qədər ailə
sarsıntıları yaşamış uşaqlar çox kiçik beyin quruluşuna
malikdirlər. Bu isə onların valideyn münasibətindən,
ailədə olan gərginlikdən müntəzəm surətdə əldə
etdikləri streslərlə bağlıdır. Beləlilklə də ailə
münaqişələri körpələrin beyninin inkişafını ləngidir.
Yeni tədqiqat sübut edir ki, insanların hələ uşaqlıqdan
üzləşdikləri adi ailədaxili problemlər onun beyninin
sonrakı inkişafına mənfi təsir edə bilər. Bu cür
vəziyyət hətta uşaqların psixikasında da problemlərə yol
aça bilər. Tədqiqatçılar belə bir qənaətə gəliblər ki,
uşaqlıq illərində beynin inkişafdan qalması yaşlı dövrdə
bir sıra psixi xəstəliklərin üzə çıxmasına səbəb ola
bilər. Tədqiqatın əsas mövzusu adi ailə problemlərinin
təsirini öyrənmək və qiymətləndirmək olub. Alimlər
valideynlər arasında gərgin münasibəti, fiziki və
emosional zorakılığı, sevgi çatışmazlığını və ailə
üzvləri arasında ünsiyyəti öyrənməyə çalışıblar. |
