|
Yevlax rayonunda müasir tipli yeni məktəb binalarının
tikintisi və mövcud məktəblərin əsaslı təmir olunması
istiqamətində tədbirlər davam etdirilir.
Rayon təhsil şöbəsinin müdiri Raqub Mirzəyevdən
aldığımız məlumata görə, 2013-cü ildə Balçılı kənd tam
orta və Aran qəsəbə 3 nömrəli ümumi orta məktəblərinin
hər biri üçün 180 yerlik, İsmayılabad kənd ibtidai
məktəbi üçün 90 yerlik yeni məktəb binaları tikilib,
Heydər Əliyev Fondunun dəstəyi ilə 396 yerlik Kövər kənd
tam orta məktəbinin binası əsaslı təmir edilib. Yevlax
şəhər 10 nömrəli tam orta məktəbi üçün inşa olunan 240
şagird yerlik binada işlər başa çatmaq üzrədir. Əcəmi
və Yuxarı Bucaq kənd ümumi orta məktəbləri üçün 180
yerlik yeni məktəb binalarının tikintisi, 1176 şagird
yerlik şəhər 3 nömrəli tam orta məktəbin əsaslı təmiri
davam etdirilir.
Rəşad RAMAZANOĞLU,
"Azərbaycan müəllimi" |
