|
Bakı şəhəri 20 nömrəli məktəb-liseydə 21 fevral
Beynəlxalq Ana dili gününə həsr edilmiş "Dilimiz, milli
qürurumuz" mövzusunda musiqili, ədəbi-bədii gecə
keçirildi.
Tədbirin keçirilməsində əsas məqsəd şagirdlərdə hər bir
xalqın, millətin mənəvi sərvəti, müstəqilliyin atributu
olan ana dilinə sonsuz məhəbbətin aşılanmasıdır.
Ədəbi-bədii gecədə məktəbin rəhbərliyi, müəllimlər,
ibtidai sinif şagirdləri və valideynlər iştirak
etdilər. Tədbirdə Dövlət himni səsləndikdən sonra
ulu öndər Heydər Əliyevin öz səsilə "Azərbaycan"
şeirindən bir misra təqdim olundu. Sonra aparıcılar
ümummilli liderin və Prezident İlham Əliyevin Azərbaycan
dilinin saflığı, qorunması və inkişafı ilə bağlı
imzaladıqları fərman və sərəncamlar haqqında məlumatı
iştirakçılara xatırlatdılar. Valideyn-Müəllim
Assosiasiyasının təşkilatçılığı ilə keçirilən tədbirdə
uşaqlar ana dili, onun keçdiyi yollar, Azərbaycan
dilinin möhtəşəmliyindən söz açdılar, maraqlı faktlar və
şeirlər söylədilər. Həmçinin, mahnı və milli rəqslər
təqdim etdilər. Onların doğma dillərinə və Vətənə olan
məhəbbətləri iştirakçılar tərəfindən maraqla qarşılandı.
Xoş dəqiqələr bəxş olundu.
Tədbirdə çıxış edənlər ana dilinin daha da inkişaf
etdirilməsinə diqqət çəkərək onun əhəmiyyətini
vurğuladılar.
Sonda fəal şagirdlərə 20 nömrəli məktəb-liseyin fəxri
diplomları təqdim olundu.
Fazil İDRİSOĞLU |
