|
 Solmaz
ƏSƏDZADƏ,
Azərbaycan Respublikasının Prezidenti yanında Dövlət
İdarəçilik Akademiyasının tələbəsi
1996-cı ildə Bakı şəhərində anadan olub. 2013-cü ildə
Türkiyə Dəyanət Vəqfi Bakı Türk Liseyini bitirib. Orta
məktəbdə oxuduğu müddətdə Azərbaycan, ingilis, ərəb
dilləri üzrə lisey daxilində keçirilən bilik
yarışmalarında həmişə uğur qazanıb.
Ali məktəblərə keçirilən qəbul imtahanında 688 bal
toplayaraq Azərbaycan Respublikasının Prezidenti yanında
Dövlət İdarəçilik Akademiyasının siyasi idarəetmə
fakültəsinə daxil olub.
Arzusu ixtisası üzrə Azərbaycanda tanınmış mütəxəssis
olmaqdır.
 Şahnaz
QAFARLI,
Azərbaycan Respublikasının Prezidenti yanında Dövlət
İdarəçilik Akademiyasının tələbəsi
1995-ci ildə Qəbələ rayonunun Zarağan kəndində anadan
olub. 2013-cü ildə Qəbələ rayon Zarağan kənd 1 nömrəli
tam orta məktəbi bitirib.
Tarix fənni üzrə keçirilən olimpiadada rayon üzrə II
yeri tutub.
Ali məktəblərə keçirilən qəbul imtahanında topladığı 692
balla Azərbaycan Respublikasının Prezidenti yanında
Dövlət İdarəçilik Akademiyasının siyasi idarəetmə
fakültəsinə daxil olub.
Prezident təqaüdünə layiq görüldüyünə görə ölkə
başçısına ailə üzvləri adından minnətdarlıq edir.
 Fəridə
CARÇIYEVA,
Azərbaycan Tibb Universitetinin tələbəsi
1996-cı ildə Qazax rayonunun Çaylı kəndində anadan
olub. 2013-cü ildə Bakıda yerləşən Ağdam rayon 37
nömrəli məcburi köçkün tam orta məktəbini bitirib. Orta
məktəbdə oxuduğu illərdə yaxşı oxumaqla yanaşı, ictimai
işlərdə də nümunəvi şagird olub.
Ali məktəblərə keçirilən qəbul imtahanında 687 bal
toplayaraq Azərbaycan Tibb Universitetinin
müalicə-profilaktika fakültəsinə qəbul olub.
Prezident təqaüdünə layiq görüldüyünə görə sevinir.
Arzusu tanınmış həkim olmaqdır.
 Leyla
AĞAYEVA,
Azərbaycan Tibb Universitetinin tələbəsi
1996-cı ildə Bakı şəhərində anadan olub. 2013-cü ildə
Bakıdakı 5 nömrəli tam orta məktəbi bitirib. Orta
məktəbdə oxuduğu illərdə fənn olimpiadalarının
iştirakçısı olub.
Ali məktəblərə keçirilən qəbul imtahanında 687 bal
toplayaraq Azərbaycan Tibb Universitetinin
müalicə-profilaktika fakültəsinə qəbul olub. Ona
göstərilən diqqət və qayğıya görə ölkə başçısına ailə
üzvləri adından minnətdarlıq edir.
Qış imtahan sessiyasını əla qiymətlərlə başa vurub.
Rəhim RƏHİMLİ,
Bakı Ali Neft Məktəbinin tələbəsi
1995-ci ildə Masallı rayonunda anadan olub. 2013-cü
ildə Bakıdakı Zərifə Əliyeva adına liseyi bitirib. Orta
məktəbdə oxuduğu illərdə ayrı-ayrı fənlər üzrə
keçirilən olimpiadalarda fəal iştirak edib.
Ali məktəblərə keçirilən qəbul imtahanında 680 bal
toplayaraq Bakı Ali Neft Məktəbinin proseslərin
avtomatlaşdırılması mühəndisliyi ixtisasına qəbul olub.
Prezident təqaüdünə layiq görüldüyünə görə sevinc hissi
keçirir.
Hazırladı: Şakir CƏFƏROV,
"Azərbaycan müəllimi" |
