|
Şamaxı Rayon Mədəniyyət Mərkəzində 8, 9 və 10-cu sinif
şagirdləri arasında təşkil olunmuş bilik yarışı
qaliblərinin mükafatlandırma mərasimi keçirilib.
Bütün illər ərzində Şamaxı rayon ümumtəhsil məktəbləri
ilə sıx əlaqədə çalışan "Araz" kursu fəaliyyətini
genişləndirərək qonşu Ağsu, İsmayıllı, Qobustan və
Kürdəmir təhsil şöbələri ilə də əməkdaşlığa nail
olmuşdur.
Tədbiri açan Şamaxı "Araz" kursunun müdiri Taleh Məsimov
bilik yarışının nəticələrini elan etmişdir. 2000-dən
artıq şagirdin iştirak etdiyi yarışmada 25 nəfər
500-dən yuxarı bal toplamışdır.
Şamaxı RTŞ-ın müdiri, filologiya üzrə elmlər dokdoru
Eyvaz Eminaliyev, İsmayıllı RTŞ-ın müdiri Rasim Orucov,
Ağsu RTŞ-ın müdiri Tahir Xasi çıxış edərək qalibləri
təbrik etmiş, onlara yeni-yeni nailiyyətlər
arzulamışlar.
Yarışmaya qatılan Şamaxı, Ağsu, İsmayıllı, Qobustan və
Kürdəmir rayonu üzrə məktəblərdən bütün qruplar üzrə ilk
3 yeri tutan şagirdlər qiymətli hədiyyələrlə
mükafatlandırılmışlar.
Bilik yarışında qalib olan bütün şagirdlərin məktəb
direktorlarına da plaket və digər hədiyyələr tədqim
olunmuşdur.
***
Şamaxı RTŞ Metodik kabineti cari dərs ilinin ikinci
yarısında rayonun bütün təhsil müəssisələrində metodik
işlərə və metodbirləşmələrin fəaliyyətinə rəhbərliyi
tələb olunan səviyyədə həyata keçirmək üçün silsilə
tədbirlər təşkil edir, "Öyrənənləri öyrədən" fənn
müəllimləri və məktəb rəhbərlərinin kurslara cəlbi
sahəsində də işləri canlandırır.
Bu günlərdə RTŞ-da toplaşmış rayonun ən qabaqcıl fənn
müəllimləri yeni pedaqoji texnologiyaların
öyrənilməsinə və tətbiqinə prioritet məsələ kimi qiymət
verərək təlim-tərbiyə işlərinin keyfiyyətinin
yaxşılaşdırılması, yeni pedaqoji texnologiyaların
inkişafı, onun yaradıcılıqla öyrənilməsi və tətbiqi
məsələlərinə dair təkliflər səsləndirmişlər. Əməkdar
müəllim Əzizağa Vəliyev (Həmyəkənd ümumu orta), "Ən
yaxşı müəllim" müsabiqəsinin qalibi Sevinc Qasımova
(Şamaxı Avropa Liseyi), Cavanşir Nəzərov (Şamaxı Avropa
Liseyi), Rahib Qasımov (Mədrəsə qəsəbə), Cavid İslamov
(Əngəxaran tam orta məktəb), Yaqut İsmayılova (THT
liseyi), Svetlana Məmmədova (Sabir qəsəbə), Nurəddin
Gülmalıyev (THT liseyi) və Gözəl Musayevanın (şəhər 6
nömrəli) metodiki işlərin canlandırılmasına əsas
verən maraqlı təklifləri şura iclası tərəfindən
qəbul edilmiş, gələcək işlərdə nəzərə alınması məsləhət
bilinmişdir.
Ədalət MƏMMƏDOV,
Şamaxı RTŞ Metodkabinetin müdiri, Azərbaycan
Respublikasının qabaqcıl təhsil işçisi |
