|
 Şəmkir
Olimpiya İdman Kompleksində 16 yaşadək oğlanlar və
qızlar arasında keçirilmiş şahmat üzrə Azərbaycan
birinciliyinin seçmə yarışlarında 8 yaşlı Kürdəmir
şahmatçısı Fərhad Məmmədov yüksək nəticə əldə etmişdir.
AzərTAc xəbər verir ki, 9 oyundan 7 qələbə və 2 heç-heçə
ilə 8 xal toplayan Fərhad onunla eyni yaşda olan
oğlanlar arasında birinci yeri tutmuşdur. Balaca
şahmatçı iyun ayında Bakıda keçiriləcək Azərbaycan
birinciliyinin final oyunlarına vəsiqə qazanmışdır.
Fərhad Məmmədovun qazandığı uğur valideynləri və
yaxınları, habelə rayon idmançıları, Kürdəmir şəhərinin
ictimaiyyəti tərəfindən sevinclə qarşılanmışdır.
İsveçrə sistemi ilə keçirilən və 9 turdan ibarət
yarışlarda respublikamızın 53 rayonundan 353 şahmatçı
iştirak etmişdir. |
