|
Qax şəhərindəki "Gülnur" şadlıq sarayında bilik
yarışması qaliblərinin mükafatlandırılması mərasimi
keçirilib. Azərbaycan Beynəlxalq Təhsil Mərkəzi Qax
"Araz" kursunun və rayon təhsil şöbəsinin birgə
təşkilatçılığı ilə keçirilən bilik yarışmasında rayonun
tədris ocaqlarından 600-ə yaxın şagird iştirak edib.
Qax "Araz" kursunun müdiri Səbuhi Əyyubov qurumun
fəaliyyəti və məzunların qazandıqları uğurlar barədə
ətraflı məlumat verib. Qeyd olunub ki, "Araz" kursları
ali məktəblərə hazırlaşan şagirdlərin xüsusi proqram
əsasında daha mükəmməl bilik qazanmasında mühüm rol
oynayır. 2003-cü ildən fəaliyyət göstərən Qax "Araz"
kursunun məzunlarından indiyədək 100 nəfərə yaxın ali
məktəblərə qəbul imtahanlarında 600 baldan yüksək
nəticə göstərib, onların 12 nəfəri Prezident təqaüdünə
layiq görülüb.
Çıxışlardan sonra bilik yarışmasında fərqlənən 36
şagirdə mükafatlar təqdim olunub.
Sifai SƏFƏROVA,
"Azərbaycan müəllimi" |
