|
Mingəçevir
şəhər Uşaq-Yaradıcılıq Mərkəzində "Sağlam həyat tərzi
yaşayaq" mövzusunda "dəyirmi masa" keçirilmişdir.
AzərTAc xəbər verir ki, tədbir iştirakçıları əvvəlcə
mərkəzin tikiş dərnəyi üzvlərinin və fiziki cəhətdən
qüsurlu uşaqların əl işlərindən ibarət sərgiyə
baxmışlar. Sonra mövzu ilə bağlı müzakirələr olmuşdur.
Uşaq hüquqları, sağlam həyat tərzi, faydalı vərdişlər
barədə məktəblilərin fikirləri öyrənilmişdir. Mərkəzin
nəzdində yaradılmış "Sağlam həyat tərzi" adlı dərnəyin
fəaliyyəti barədə məlumat verilmişdir.
Tədbirdə şəhər təhsil şöbəsinin, 2 saylı poliklinikanın,
Uşaq Yaradıcılıq Mərkəzinin nümayəndələri, məktəblərdə
fəaliyyət göstərən şagird parlamentlərinin sədrləri və
üzvləri mövzu ilə əlaqədar öz fikirlərini söyləmişlər. |
