|
Göyçay rayonunda müasir istilik sistemi ilə qızdırılan
orta məktəblərin sayı ildən-ilə artır. Rayon təhsil
şöbəsindən aldığımız məlumatda bildirilir ki, hər il
Göyçayda yeni inşa və ya əsaslı təmir olunan məktəblərdə
müasir istilik sistemləri quraşdırılır. Artıq rayonun 21
məktəbində müasir tipli qazanxana inşa edilib, yeni
istilik sistemləri quraşdırılıb.
Digər 36 məktəbdə isə odun yanacağından istifadə olunur.
Daxili imkanlar hesabına həmin məktəblərə odun sobaları,
tüstü boruları və 1000 kubmetr odun yanacağı alınıb.
Bununla yanaşı, bütün məktəblərdə qapı və pəncərələr,
binaların dam örtükləri təmir edilib.
Rayonun orta ümumtəhsil müəssisələrində baş verə biləcək
yanğın hadisələrinin qarşısını almaq məqsədilə
profilaktik tədbirlər də görülüb. Məktəblərdə olan su
hovuzları qaydaya salınıb, təhsil müəssisələri yanğına
qarşı avadanlıqla təmin olunub.
Şakir CƏFƏROV,
"Azərbaycan müəllimi" |
