|
Hazırda ölkəmizdə fəaliyyət göstərən bütün ali təhsil
müəssisələrində qış imtahan sessiyası davam edir.
Tələbələrin həyəcanla gözlədiyi bu imtahanlara həmişə
olduğu kimi, bu il də ciddi nəzarət edilir. Təhsil
naziri Mikayıl Cabbarovun müvafiq əmrinə əsasən ali və
orta ixtisas təhsili müəssisələrinin rəhbərlərinə tədris
ilinin qış imtahan sessiyasının mövcud normativ sənədlər
əsasında təşkil olunmasını təmin etmək, rəhbərlik
etdikləri təhsil müəssisələrində imtahan qərargahı
yaratmaq, qərargaha daxil olan hər bir şikayət barədə
nazirliyin "Qaynar xətt"inə operativ məlumat vermək,
imtahan sessiyasında şəffaflığı və ictimai nəzarətin
gücləndirilməsini təmin etmək barədə tapşırıqlar
verilib.
Qeyd edək ki, son illər respublikamızda korrupsiya və
rüşvətxorluğa qarşı mübarizə daha geniş vüsət almış və
bu kimi halların aradan qaldırılması istiqamətində ciddi
addımlar atılmışdır. Ölkə Prezidenti cənab İlham Əliyev
Nazirlər Kabinetinin bu günlərdə keçirilən 2013-cü ilin
sosial-iqtisadi inkişafının yekunlarına və 2014-cü ildə
qarşıda duran vəzifələrə həsr olunmuş iclasında
rüşvətxorluğa və korrupsiyaya qarşı daha da ciddi
mübarizə aparılmasının vacibliyini vurğulayıb.
Ali təhsil müəssisələrində sessiya müddətində baş vermiş
neqativ hallarla bağlı daxil olan məlumatların operativ
araşdırılması və onların yol verilməsində məsuliyyət
daşıyan şəxslər barədə tədbir görmək məqsədilə imtahan
qərargahları və "Qaynar xətt" xidmətləri yaradılıb.
İmtahan qərargahları "Qaynar xətt"lərə daxil olan
zəngləri qeydiyyata alaraq tələbələrin biliyinin
qiymətləndirilməsində obyektivliyi və şəffaflığı təmin
etmək, imtahanların gedişi ilə bağlı ərizə, şikayət və
təklifləri operativ araşdıraraq yol verilən nöqsanların
vaxtında aradan qaldırılması məqsədilə fəaliyyət
göstərir.
Ali təhsil müəssisələrinin "Qaynar xətt" nömrələrini
təqdim edirik:
Bakı Dövlət Universitet:
(012) 538-06-78
Azərbaycan Dövlət Neft Akademiyası:
(012) 437-43-51
Azərbaycan Dövlət İqtisad Universiteti:
(012) 493-59-19
Azərbaycan Dövlət Pedaqoji Universiteti:
(012) 498-17-94, 408-30-29
Azərbaycan Dillər Universiteti:
(012) 440-35-05, 440-35-02
Bakı Slavyan Universiteti:
(012) 449-36-52
Azərbaycan Memarlıq və İnşaat Universiteti:
(012) 539-42-38
Azərbaycan Texniki Universiteti:
(012) 539-90-70, 539-13-78
Azərbaycan Dövlət Mədəniyyət və İncəsənət Universiteti:
(012) 538-76-06
Azərbaycan Milli Konservatoriyası:
(055) 780-09-33, (050) 268-34-38
Azərbaycan Müəllimlər İnstitutu:
(012) 465-29-75
Sumqayıt Dövlət Universiteti:
(018) 644-89-05
Gəncə Dövlət Universiteti:
(0222) 56-19-62
Naxçıvan Dövlət Universiteti:
(036) 545-39-29
Azərbaycan Dövlət Aqrar Universiteti:
(0222) 56-89-57, 56-00-56
Azərbaycan Texnologiya Universiteti:
(0222) 57-08-83
Lənkəran Dövlət Universiteti:
(02525) 5-25-88
Mingəçevir Politexnik İnstitutu:
(02427) 5-32-72, 4-14-33
Niyazi RƏHİMOV
"Azərbaycan müəllimi" |
