|
 Fuad
İSMAYILZADƏ,
Azərbaycan Respublikasının Prezidenti yanında Dövlət
İdarəçilik Akademiyasının tələbəsi
1996-cı ildə Mingəçevir şəhərində anadan olub. 2013-cü
ildə Mingəçevir şəhəri İ.Kişiyev adına 17 nömrəli tam
orta məktəbi qızıl medalla bitirib. Bu il ali məktəblərə
qəbul imtahanında III qrup üzrə 666 bal toplayaraq
Azərbaycan Respublikasının Prezidenti yanında Dövlət
İdarəçilik Akademiyasının inzibati idarəetmə
fakültəsinə daxil olub.
DİA-nın tələbəsi olmağı ilə fəxr edir. Sevincinin
hədd-hüdudu yoxdur. Çünki Prezident təqaüdünə layiq
görülən tələbələr siyahısında onun da adı var. Ən
böyük arzusu ona göstərilən etimadı doğrultmaqdır.
 Ləman
SADIQLI,
Bakı Ali Neft Məktəbinin tələbəsi
1995-ci ildə Bakı şəhərində anadan olub. 2013-cü ildə
Bakı Avropa Liseyini qızıl medalla bitirib.
Məktəblilər arasında keçirilən fənn olimpiadalarının
iştirakçısı olub.
Ali məktəblərə qəbul imtahanında 687 bal toplayaraq
Bakı Ali Neft Məktəbinin kimya mühəndisliyi ixtisasına
qəbul olub.
Dövlətimizin təhsilə və gəncliyə xüsusi diqqət və
qayğısından ruhlanan Ləmanın arzusu valideynlərinin və
müəllimlərinin etimadını doğruldaraq universiteti əla
qiymətlərlə qurtarmaqdır.
 Gülxanım
XƏLİLOVA,
Azərbaycan Respublikasının Prezidenti yanında Dövlət
İdarəçilik Akademiyasının tələbəsi
1996-cı ildə Gürcüstan Respublikasının Bolnisi rayonunun
Əsmələr kəndində anadan olub. 2013-cü ildə Bakıdakı
270 nömrəli tam orta məktəbi bitirib. Orta məktəbdə
oxuduğu illərdə olimpiadalarda dəfələrlə I yeri
tutub.
Bu il ali məktəblərə qəbul imtahanında 688 bal
toplayaraq Azərbaycan Respublikasının Prezidenti
yanında Dövlət İdarəçilik Akademiyasının siyasi
idarəetmə fakültəsinə daxil olub.
Prezident təqaüdünə layiq görüldüyünə görə Prezident
cənab İlham Əliyevə öz təşəkkürünü bildirir. Ən böyük
arzusu gələcəkdə ixtisası üzrə tanınmış mütəxəssis
olmaqdır.
 Fərid
MƏMMƏDOV,
Bakı Ali Neft Məktəbinin tələbəsi
1994-cü ildə Goranboy rayonunda anadan olub. 2013-cü
ildə Bakı Özəl Türk Liseyinin Mingəçevir filialını qızıl
medalla bitirib.
Bu il ali məktəblərə qəbul imtahanında 685 bal
toplayaraq Bakı Ali Neft Məktəbinin proseslərin
avtomatlaşdırılması mühəndisliyi ixtisasına qəbul olub.
Prezident təqaüdünə layiq görülən Fərid üzərinə düşən
məsuliyyəti ciddi dərk edir və qış imtahan sessiyasında
daha böyük uğurlar qazanmaq üçün səylə çalışır.
 Klara
AXUNDOVA,
Azərbaycan Tibb Universitetinin tələbəsi
1996-cı ildə Tovuz rayonunun Yuxarı Öysüzlü kəndində
anadan olub. 2013-cü ildə Yuxarı Öysüzlü kənd tam
orta məktəbini qızıl medalla bitirib.
Ali məktəblərə qəbul imtahanında 690 balla Azərbaycan
Tibb Universitetinin müalicə-profilaktika fakültəsinə
qəbul olub.
Prezident təqaüdünə layiq görüldüyünə görə fərəh hissi
keçirir.
Hazırladı: Şakir CƏFƏROV,
"Azərbaycan müəllimi" |
