|
Dekabrın 30-da Təhsil Nazirliyi tərəfindən Göygöl rayonu
ərazisində müvəqqəti məskunlaşmış Kəlbəcərdən olan
qaçqın və məcburi köçkün ailələrə bayram sovqatı
paylanılıb.
Nazirlik hər il olduğu kimi, Dünya
Azərbaycanlılarının Həmrəylik Günü və Yeni il
ərəfəsində kəlbəcərli qaçqın və məcburi köçkün
ailələrin yanında olmaq, Ermənistanın işğalçılıq
siyasəti nəticəsində doğma yurdlarından didərgin düşmüş
insanlara yardım etmək və mənəvi dəstək göstərmək
ənənəsinə sadiq qalıb.
1250 ailə üçün nəzərdə tutulmuş bayram sovqatı
nazirliyin nümayəndələri tərəfindən Göygöldə yaşayan
kəlbəcərli ailələrə paylanılıb.
Qaçqın və məcburi köçkünlər onlara göstərilən diqqət və
qayğıya görə minnətdarlıq edib və işğal olunmuş
torpaqlarımızın ölkə Prezidentinin həyata keçirdiyi
məqsədyönlü siyasət sayəsində tezliklə azad olunacağına
ümidvar olduqlarını bildiriblər. |
