|
Təhsilin keyfiyyətinin yüksəldilməsi və bu sahədə uğurlu
nəticələrin əldə olunmasında təhsilalanların
sağlamlığının mühafizəsi müstəsna əhəmiyyət kəsb edir.
Bu baxımdan məktəbəqədər və ümumi təhsil müəssisələrində
təhsilalanların hərəkət bacarıqlarının inkişafını təmin
edən əlverişli mühitin yaradılması, təhsil aldıqları
müddətdə onların fiziki-psixoloji sağlamlığının
qorunmasına yönəlmiş pedaqoji texnologiyaların tətbiqi,
təhsil prosesində diferensial yanaşma və fərdilik
prinsiplərinin nəzərə alınması həyati zərurətə
çevrilmişdir.
Qeyd olunan istiqamətdə qarşıda duran vəzifələrin həyata
keçirilməsinə etibarlı dəstəyin və zəruri
əlaqələndirmənin təmin olunması məqsədi ilə "Azərbaycan
Respublikası Təhsil Nazirliyi haqqında Əsasnamə"nin
13.5-ci bəndini rəhbər tutaraq
ƏMR EDİRƏM:
1. Təhsilalanların sağlamlığının qorunması və təlim
nailiyyətlərinin yüksəldilməsi sahəsində təhsil
texnologiyalarının tətbiqi üzrə aşağıdakı tərkibdə işçi
qrupu yaradılsın:un
rəhbəri:
Hüseyn Əliyev - Azərbaycan Respublikası təhsil nazirinin
müşaviri
Afət Süleymanova - Məktəbəqədər və ümumi təhsil
şöbəsinin aparıcı məsləhətçisi;
İradə Mirzəhmədova - İqtisadiyyat şöbəsinin Plan-maliyyə
sektorunun baş məsləhətçisi;
Məmmədəli Kəsəmənli - Bakı Şəhəri üzrə Təhsil İdarəsinin
müdir müavini;
Vasif Məmmədov - "Vətən" Respublika İxtisaslaşdırılmış
olimpiya ehtiyatları uşaq-gənclər futbol məktəbinin
direktoru.
2. İşçi qrupuna tapşırılsın ki, aidiyyəti qeyri-hökumət
təşkilatları ilə birlikdə:
*
təhsilalanların sağlamlığının qorunması və təlim
nailiyyətlərinin yüksəldilməsi üzrə mövcud təhsil
texnologiyalarını öyrənərək onların yerli şəraitə
uyğunlaşdırılması mexanizmini və tətbiqinə dair
təklifləri işləyib hazırlasın;
*
təhsilalanların fiziki sağlamlığına, psixoloji
dayanıqlığına və təlim nailiyyətlərinin yüksəldilməsinə
hər hansı bir formada mənfi təsir göstərən halları
araşdırsın və onların aradan qaldırılmasına dair
təkliflər hazırlayıb təqdim etsin.
3. İnformasiya şöbəsi (E.Əliyev) bu əmrin Nazirliyin
aidiyyəti struktur bölmə və qurumlarına çatdırılmasını,
"Azərbaycan müəllimi" qəzetində və Təhsil Nazirliyinin
rəsmi internet saytında yerləşdirilməsini təmin etsin.
4. Əmrin icrasına nəzarət nazir müavini Ceyhun Bayramova
həvalə edilsin.
Mikayıl CABBAROV,
Azərbaycan Respublikasının təhsil naziri
11 dekabr 2013-cü il |
