|
 Bakıdakı
13 nömrəli İxtisaslaşdırılmış Olimpiya Ehtiyatları
Uşaq-Gənclər İdman Məktəbi uğurlarını artırmaqda davam
edir. Məktəbin cüdo bölməsində məşqçi Tərlan Həsənovun
yetirmələrindən 1993-cü il təvəllüdlü Məhəmmədəli
Mehdiyev və 1997-ci il təvəllüdlü Hidayət Heydərov bu
il ərzində öz uğurlu çıxışları ilə seçiliblər.
İdman məktəbinin direktoru Rüfət Eyyubovdan aldığımız
məlumata görə, Məhəmmədəli Mehdiyev fevralın 2-3-də
Gürcüstanda keçirilən dünya kuboku uğrunda yarışda
iştirak edərək III yerə çıxıb. Bundan başqa, aprelin
6-sı və 7-də gənclər arasında Avropa kuboku uğrunda
keçirilmiş yarışda II pilləyə yüksəlib. İyul ayıında
Rusiyanın Kazan şəhərində gənclər arasında keçirilən
XXVII dünya Universiadasında III yeri tutub. Məhəmmədəli
sentyabrda Çexiyada gənclər arasında keçirilən Avropa
çempionatında da iştirak edərək III yeri qazanıb. Daha
sonra oktyabrın 23-27-də Sloveniyada gənclər arasında
dünya birinciliyində 81 kq çəki dərəcəsində uğurla çıxış
edərək bürünc medala layiq görülüb.
Hidayət Heydərov isə 66 kq çəki dərəcəsində noyabrın
6-sı və 7-də kişilər arasında keçirilən Azərbaycan
çempionatında fəxri kürsünün yüksək pilləsinə qalxaraq
çempion olub. Bundan başqa, bu yarışda idman məktəbinin
cüdo bölməsinin digər yetirmələrindən 1989 -cu il
təvəllüdlü Elvin Əhmədli 73 kq çəki dərəcəsində II,
1995-ci il təvəllüdlü Vəfa Eyvazova 52 kq çəki
dərəcəsində III, 1997-ci ildə anadan olan Aidə Baxışova
isə 63 kq çəki dərəcəsində III yerə yüksəliblər.
Rəşad ZİYADOV,
"Azərbaycan müəllimi" |
