|
Azərbaycan Respublikasının Gənclər və İdman Nazirliyi
ölkənin inkişafı yönümündə gənclər tərəfindən irəli
sürülən fikir və ideyaların bir yerə toplanması məqsədi
ilə gənclər üçün yeni "Onlayn fikir bankı" adlı layihəyə
start verir.
Gənclər fikirbanki.az saytına daxil olmaqla burada yeni
fikir və ideyalarını açıq istifadə üçün yerləşdirəcəklər.
Bu təkliflərdən bütün cəmiyyət, o cümlədən dövlət,
beynəlxalq və özəl təşkilatlar faydalana biləcəklər. "Onlayın
fikir bankı"nda sosial xidmətlər; iqtisadiyyat; təhsil,
əyləncə; media; rabitə və telekommunikasiya; tibb və
sağlamlıq; ətraf mühit; nəqliyyat; milli-mədəni irs;
turizm və mədəniyyət bölmələri fəaliyyət göstərir. Yeni
veb-saytda "Ayın qalibi" adlı xüsusi bölmə də yaradılıb.
Burada qalib olan gənclər Gənclər və İdman Nazirliyinin
və tərəfdaş təşkilatların diplom və qiymətli hədiyyələri
ilə mükafatlandırılacaqlar.
"Onlayn fikir bankı" layihəsi gənclərin müzakirələr
aparmaları üçün əlverişli platforma rolunu oynayacaq və
cəmiyyətdə gənclərin mövqelərinin möhkəmlənməsinə şərait
yaradacaqdır.
Qeyd edək ki, adıçəkilən layihə 2013-cü ilin "İnformasiya-kommunikasiya
texnologiyaları ili" elan edilməsi çərçivəsində "Azərbaycan
gəncliyi 2011-2015-ci illərdə Dövlət Proqramı"na müvafiq
olaraq həyata keçirilir.
Samirə KƏRİMOVA,
"Azərbaycan müəllimi" |
