|
Respublikanın ayrı-ayrı bölgələrində işləyən bir qrup
müəllimin təşəbbüsü ilə Facebook sosial şəbəkəsində
"Azərbaycan dili və Ədəbiyyat Müəllimləri Birliyi" qrupu
yaradılıb. Qrupun təsisçisi Saatlı rayonundakı S.Vurğun
adına 1 nömrəli tam orta məktəbin Azərbaycan dili və
ədəbiyyat müəllimi Günay Qənbərovadır.
Qrupun artıq 500 nəfərə yaxın üzvü vardır. Burada
Azərbaycan dili və ədəbiyyat fənninin ən aktual
problemləri, eləcə də tətbiqi, nəzərdə tutulan
yeniliklərin müzakirəsi və müxtəlif fikir mübadilələri
aparılır. Qrup yalnız virtual fəaliyyət göstərməklə
kifayətlənmir, həm də vizual olaraq bir sıra tədbirlər
də həyata keçirir.
Tədbirlərdə Bakıdakı fizika-riyaziyyat, informatika
təmayüllü liseyinin müəllimi Nərmin Hüseynzadə, Şəmkir
şəhəri Zəyəm qəsəbə tam orta məktəbinin müəllimi Vüsalə
Mehtiyeva, Zərdab rayonunun Hüseynxanlı kənd ümumi orta
məktəbinin müəllimi Pərviz Bəşirov və başqaları xüsusi
fəaliyyət göstərirlər. "Azərbaycan dili və Ədəbiyyat
Müəllimləri Birliyi" qrupunun ilk tədbiri paytaxtın
Nizami rayonundakı 1 nömrəli kimsəsiz uşaqlar evində
körpələrlə görüşü olub.
Şakir CƏFƏROV,
"Azərbaycan müəllimi" |
