 |
Azərbaycan Respublikası Təhsil Nazirliyi
Respublika Bədən Tərbiyəsi və İdman Mərkəzi
tərəfindən respublikamızın 20-dən çox şəhər və
rayonlarında 9 noyabr Dövlət Bayrağı və 12
noyabr Konstitusiya günlərinə həsr olunmuş
kütləvi idman yarışları keçirilib. Oktyabrın
26-dan noyabrın 8-dək keçirilən idman yarışları
futbol, voleybol, basketbol, milli güləş, əltopu
kayak və kanoe, stolüstü tennis, şahmat-dama
idman növlərini əhatə edib.
Təhsil Nazirliyi Respublika Bədən Tərbiyəsi və
İdman Mərkəzinin direktoru Qiyas Nəcəfov Ağdaş
Olimpiya Kompleksində keçirilən voleybol (qız,
oğlan), futbol, güləş və stolüstü tennis (oğlan,
qız), Mingəçevir şəhər Şahmat Mərkəzində kayak
və kanoe, voleybol, futbol və şahmat, Şəki
şəhərində oğlanlar və qızlar arasında keçirilmiş
voleybol, basketbol, stolüstü tennis
yarışlarının qaliblərinin mükafatlandırılması
mərasimində iştirak edib, qalib idmançılara
uğurlar arzulayıb. O, idmançılarımıza üçrəngli
bayrağımızı uca tutmağı tövsiyə edib, Azərbaycan
bayrağının tezliklə Qarabağda dalğalanacağına
inandıqlarını əminliklə bildirib. Qaliblərə
Respublika Bədən Tərbiyəsi və İdman Mərkəzi
tərəfindən müxtəlif dərəcəli diplom və medallar,
kuboklar və xatirə hədiyyələri təqdim edilib.
Rəşad ZİYADOV,
"Azərbaycan müəllimi" |
