|
Qafqaz Universiteti, Bakı Dövlət Universiteti və "İrəli"
İctimai Birliyinin İnformasiya Texnologiyaları
Mərkəzinin təşkilati dəstəyi ilə "Universitet
tələbələrinin 38-ci ACM proqramlaşdırma" beynəlxalq
müsabiqəsinin dörddə bir final mərhələsi (IX Azərbaycan
çempionatı) keçirilib.
Müsabiqədə "İrəli" İctimai Birliyini "İrəli" İnformasiya
Texnologiyaları Mərkəzinin meneceri Rüstəm Həsənov
təmsil edib.
"İrəli" İctimai Birliyindən AzərTAc-a bildiriblər ki,
Qafqaz Universitetində keçirilən müsabiqədə 11
universitetdən 48 komanda iştirak edib. Nəticələrə
əsasən Qafqaz Universitetinin "Baku Qafqaz U 3"
komandası birinci, "Baku Qafqaz U 2" komandası ikinci,
"Moskva Dövlət Universitetinin Bakı filialının "Baku MSU
1" komandası üçüncü yerə layiq görülüb.
Müsabiqənin nəticələrinə əsasən Qafqaz Universitetini,
Moskva Dövlət Universitetinin Bakı filialını, Azərbaycan
Texniki, Bakı Dövlət, Azərbaycan Memarlıq və İnşaat
universitetlərini təmsil edən 10 komanda 30 noyabr - 1
dekabr tarixlərində Tbilisi şəhərində keçiriləcək
"Universitet tələbələrinin 38-ci ACM proqramlaşdırma"
beynəlxalq müsabiqəsinin yarımfinal mərhələsində və
Cənubi Qafqaz açıq çempionatında iştirak edəcəkdir.
|
