|
Azərbaycan Respublikasının Prezidenti yanında Gənclər
Fondunun dəstəyi ilə gənclərin "Biz azərbaycanlıyıq"
yaradıcılıq müsabiqəsi layihəsinin həyata keçirilməsinə
başlanılıb. Layihənin məqsədi Azərbaycan xalqının
ümummilli lideri Heydər Əliyev tərəfindən yaradılan
azərbaycançılıq məfkurəsinin gənclər arasında
təbliğidir.
Ümumi təhsil müəssisələrinin yuxarı sinif şagirdlərini,
ali və orta ixtisas məktəblərinin tələbələrini əhatə
edəcək layihə çərçivəsində azərbaycançılıq məfkurəsinin
vacibliyini, onun müstəqil dövlətimizin inkişafında
rolunu ifadə edəcək videoçarx və bukletlərin
hazırlanması, eyni zamanda seminarların, görüşlərin,
istedadlı gənclərin yaratdıqları sənət nümunələrinin,
yazdıqları şeirlər, esselərlə bağlı yaradıcılıq
müsabiqəsinin keçirilməsi və sonda fərqlənən gənclərin
mükafatlandırılması nəzərdə tutulur.
Samirə KƏRİMOVA |
