|
Sumqayıt Dövlət Universitetinin təşəbbüsü ilə xüsusi
qayğıya ehtiyacı olan uşaqlar üçün musiqili-əyləncəli
tədbir keçirilib. Qızıl Aypara Cəmiyyəti Sumqayıt şəhər
bölməsinin "Əlil uşaqların sosial inteqrasiyası"
layihəsindən olan əlil uşaqlar üçün süfrə açılıb,
konsert, əyləncəli oyunlar təşkil edilib.
Tədbirdə Qızıl Aypara Cəmiyyətinin Sumqayıt təşkilatının
könüllüləri, universitetin müəllim və tələbələri iştirak
ediblər.
Mərasimdə çıxış edən SDU-nun baş müəllimi, YAP Sumqayıt
şəhər təşkilatının sədr müavini Elmar Xəlilov, QAC
Sumqayıt şəhər təşkilatının sədri Mətanət Məhərrəmova,
SDU-nun tələbə-gənclər təşkilatının sədri Aytən Nəciyeva
və başqaları bu aksiyaya dəstək göstərən hər bir kəsə
minnətdarlıqlarını bildirib, xüsusi qayğıya ehtiyacı
olan uşaqlara dəstəyin vacibliyini qeyd ediblər.
Sonda isə Sumqayıt Dövlət Universitetinin tələbələri
əlil uşaqlara öz hədiyyələrini təqdim edib, onları
sevindiriblər.
Qeyd edək ki, tədbirdə 30-dan artıq əlil uşaq iştirak
edib. |
