|
Azərbaycan Respublikasının Prezidenti yanında Gənclər
Fondunun dəstəyi ilə "Gənc dost" Gənclər İctimai Birliyi
tərəfindən Göygöl rayonunda "Əlil gənclərin cəmiyyətə
inteqrasiyası" adlı layihənin icrasına start verilib.
Layihənin həyata keçirilməsində əsas məqsəd əlilliyi
olan gənclərin hüquqları istiqamətində maarifləndirmənin
gücləndirilməsi və onların cəmiyyətə inteqrasiyasına
yardımçı olmaqdır.
Qeyd edək ki, layihə çərçivəsində rayonda yaşayan əlil
gənclərə müxtəlif mövzularda təlimlər keçiriləcək,
onların ictimai fəallığının artırılmasına yönəldilən
maarifləndirici bukletlər paylanılacaqdır.
Samirə KƏRİMOVA |
