|
Naxçıvan Özəl Universitetinin tələbələrinin vaxtaşırı
olaraq tarixi abidələrə, muzeylərə ekskursiyaları təşkil
edilir, onların əlavə biliklərə yiyələnməsində
müəllimlər səy və bacarıqlarını əsirgəmir. Həmin
qəbildən olan tədbirlərin davamı olaraq bu günlərdə
universitetin xarici dil (hazırlıq) ixtisasının I kurs
tələbələri ekskursiya məqsədi ilə Culfa rayonunun
Xanəgah kəndində yerləşən Fəzlullah Nəiminin məzarüstü
abidəsini ziyarət ediblər. Ekskursiya ərzində tələbələr
ingilis dilində danışıblar, universitetin xarici dil
müəllimi Könül Babayeva gənclərə Nəiminin həyat və
yaradıcılığı ilə bağlı ətraflı məlumat verib.
Sonda tələbələr xarici dildə slayd nümayiş etdiriblər.
Məlumat üçün qeyd edək ki, bu cür ekskursiyalar qədim
diyarımızın digər guşələrində də təşkil ediləcəkdir.
Nuray ƏSGƏROVA,
Naxçıvan Özəl Universitetinin Mətbuat xidmətinin rəhbəri |
