Javascript DHTML Drop Down Menu Powered by dhtml-menu-builder.com

Yeni əməliyyat sistemi hansı üstünlüklərə malikdir? 

"Microsoft"  korporasiyası "Windows 8" əməliyyat sisteminin yenilənmiş versiyası olan "Windows 8.1"i istifadəyə verib.  "Microsoft"  şirkətindən verilən məlumata görə,  yeni əməliyyat sistemi geniş qurğular spektri  üçün unikal və şəxsi təcrübəni özündə əks etdirir. Artıq  oktyabrın 17-dən dünyanın 230-dan artıq bazarında və 37 dildə olan "Windows 8" istifadəçiləri "Windows Store"dan online qaydada təmənnasız olaraq yenilənmiş əməliyyat sistemini yükləməyə başlayıblar.  Oktyabrın 18-dən isə yenilənmiş  əməliyyat sisteminin bütün dünya üzrə pərakəndə ticarət obyektlərində tətbiq olunan yeni qurğulara quraşdırılmasına başlanılıb.

"Windows 8.1" yüksək personallaşdırılmış istifadə baxımından "Windows" görüntüsünü inkişaf etdirir və eyni zamanda "Microsoft"un qloballaşan dünyada  sürətli inkişafa sadiq qaldığını nümayiş etdirir. Yenilənmiş  əməliyyat sistemi istifadəçilər üçün  yeni innovativ qurğuların yaranmasını əks etdirir. Bu qurğuların əksəriyyəti sensor ekranlıdır və müxtəlif qiymət kateqoriyalarında hesablama gücünü, xüsusi dizayn və enerjisaxlama qabiliyyətini nümayiş etdirir.

Yenilənmiş "Windows 8.1"in təqdimat mərasimində çıxış edən Windows bölməsinin korporativ vitse-prezidenti Djuli Larson-Grin qeyd edib ki,  "Microsoft" korporasiyası istifadəçilərə yenilənmiş  "Windows 8.1"i  təqdim edib. "Bu iddialı addım idi və biz "Windows 8.1" ilə daha da irəli getdik.  "Windows 8.1" ən müxtəlif planşetlər və kompüterlərdə işləyəcək və bizə istifadəçilərin ehtiyacına nə qədər həssas yanaşdığımızı nümayiş etdirməyə imkan yaradacaq. Bu gün istifadəsini mümkün etdiyimiz ilkin versiya yeni cihazların istehsalı və Windows əsasında bütün dünyada tətbiqlər yaradan tərəfdaşlarımız üçün  vacibdir".

"Windows 8.1" bir çox kökləmə və funksional təkmilləşmələr təklif edir.  

"Windows 8.1"in üstünlükləri: 

* Yüksək personallıq. Təkmilləşdirilmiş və daha çox özəlləşdirilə bilən ekran hər bir  istifadəçiyə  öz "Windows" cihazında unikal görünüş yaratmaq imkanı təqdim edir.  Bundan başqa, istifadəçilər hansı  ekrandan  -  "Start" menyusundan və ya kompüter ekranının ana səhifəsindən başlayacaqlarını özləri seçə bilərlər,   bu halda "Microsoft" akkauntundan istifadə edilən bütün "Windows" cihazlarında sinxronlaşdırma prosesi gedir.

* Daha asan yönlənmə. "Windows 8.1" naviqasiyanın əsas nöqtəsi kimi "Start" düyməsini qaytarır.  Proqramların  yenilənmiş  görünüşü istifadəçilərin işini asanlaşdırır və tezləşdirir.  Həmçinin,  proqramdan istifadə qaydaları və məsləhətlərə keçid də asanlaşıb.

* Təkmilləşdirilmiş axtarış. Yeni "Bing Smart Search" istifadəçinin istəyi ilə həm cihazda, həm də İnternetdə axtarışlar  üçün  ən asan yolu təmin edir. Sadəcə ana səhifədə axtarışınızı çap etməlisiniz,   "Smart Search"  isə  lazım olan informasiyanı və ya faylları asanlıqla tapır.

* "Start" düyməsində geniş əlavələr və xidmət seçimi. Yenilənmiş "Windows" istifadəçilərə onların  sevdiyi əməliyyatları asanlıqla yerinə yetirmək imkanı yaradır. Məsələn, dostlarla və ailə ilə "Skype" vasitəsi ilə əlaqə qurmaq, elektron məktublara "Mail" proqramı vasitəsi ilə rahat keçid, kino və teleşouları "Xbox Video" vasitəsi ilə izləmək, "Bing Food & Drink" kimi proqramlarda yeni reseptlər tapmaq, "Xbox Music" ilə musiqi dinləmək. "Windows 8.1"ə yeni və daha sürətli "Internet Explorer 11", seçilmiş səhifələrin və axtarış tarixinin sinxronlaşdırılması kimi yeniliklər əlavə olunub. Proqram təchizatı həmçinin, 3D printerlərində  çap imkanını və bu tip faylların oxunmasını özündə cəmləşdirir.

* Bir çox funksiyanı eyni vaxtda həyata keçirmək imkanı. "Windows 8.1" eyni anda dörd proqram və ana səhifənin yan-yana istifadə edilməsi imkanını yaradır. Ekranda hər bir proqramın ölçüsünü asanlıqla dəyişmək mümkündür.  Həmçinin, bir proqram vasitəsi ilə digərini işə salmaq və "Windows Store" panelini hər bir ekranda görmək imkanı da mövcuddur.

* "SkyDrive" bulud  sistemi ilə intensiv inteqrasiya. "Windows 8.1" hər hansı bir "Microsoft" cihazında fayllarla işləmək prosesini asanlaşdırıb. İstifadəçi hər hansı fayllar yarada, habelə onları redaktə etmək, qeyd etmək və paylaşmaq kimi funksiyalardan istifadə edə bilər.

* "Windows Store"un yenilənmşş dizaynı. "Windows Store" proqramının yeni dizaynı onun istifadəsini və proqram seçimini asanlaşdırır. Yeni sxemlər və kateqoriyalar, məsələn, "New & Rising" yeniliklərdən hər zaman xəbərdar olmağa imkan yaradır. "Bing" axtarışları əsnasında istifadəçi üçün ən maraqlı proqramlar seçilir və ona təqdim olunur. "Windows 8.1" bütün proqramların avtomatik yenilənməsini nəzərdə tutur, bu yenilik vasitəsilə istifadəçilər proqramların ən son və ən yaxşı versiyalarından yararlanırlar. Məsələn, "Fresh Paint" proqramına yeni sulu boya və qrafit qələmlər toplusu əlavə olunub.

"Windows 8.1" barədə daha ətraflı məlumatı http://blogs.windows.com və http://www.microsoft.com/en-us/news ünvanlarından almaq olar.

Qeyd edək ki, 1975-ci ildə təsis edilmiş "Microsoft" korporasiyası proqram təminatı istehsalında dünya lideridir. "Microsoft" korporasiyası geniş çeşidli proqram məhsulları hazırlayır və istehsal edir. Onların arasında stolüstü və şəbəkə əməliyyat sistemləri, müştəri-server mühitləri üçün server, istifadəçilər üçün stolüstü biznes  və ofis tətbiqləri, interaktiv proqram və oyunlar, İnternet şəbəkəsində işləmək üçün vasitələr və hazırlama alətləri var. "Microsoft" korporasiyasının məhsulları 80-dən artıq ölkədə satılır, Azərbaycan  dili daxil olmaqla 45-dən çox dilə tərcümə edilib və fərdi kompüter platformalarının əksəriyyəti ilə uyğundur. 2005-ci ildən Azərbaycanda fəaliyyət göstərən "Microsoft Azərbaycan" şirkətinin başlıca vəzifəsi elektron idarəetmə, biznes inzibatçılığı və təhsil sistemi  üçün  yeni məhsullarını tətbiq etməklə Azərbaycanın inkişafına töhfə verməkdir.

Beynəlxalq fənn olimpiadalarında nəyə görə daha çox asiyalı məktəblilər qalib gəlir? 

Son vaxtlar istedadlı şagirdlərin üzə çıxarılması və onların bacarıqlarının stimulə olunmasında beynəlxalq fənn olimpiadalarının rolu və nüfuzu artmaqdadır.  Bir sıra fənlər üzrə keçirilmiş beynəlxalq fənn olimpiadalarında isə, bir qayda olaraq,  Asiya ölkələrindən olan məktəblilərin ciddi uğurlar qazanması xeyli düşündürücüdür. Elə cari il iyulun ortalarında Moskvada keçirilmiş Beynəlxalq Riyaziyyat Olimpiadasının nəticələri də bunu deməyə əsas verir.  Doğrudan da adıçəkilən olimpiadada ən yaxşı nəticələri Çin və Cənubi Koreya məktəbliləri göstərib, onların hər biri 5 qızıl və bir gümüş medal qazanıblar. Bu ölkələr tərkibində 6 iştirakçı olan komanda ilə təmsil olunublar. Daha sonra isə Amerika və Rusiya  (hərəsi 4 qızıl və 2 gümüş medal) gəlir. Vyetnam 3 qızıl və 3 gümüş medalla 4-cü nəticə göstərib. Koreya Xalq Demokratik Respublikası, Tayvan, Böyük Britaniya, İran, Kanada və Xorvatiya isə hərəsi 2 qızıl medal qazanıblar. Olimpiadada iştirak edən digər 86 ölkənin payına isə cəmi 12 qızıl medal düşür.

Bu siyahıya baxdıqda  medalların daha çox Asiya məktəbliləri tərəfindən qazanıldığını görmək olar. Lakin belə bir sual doğur: nəyə görə beynəlxalq fənn olimpiadalarında daha çox çinli məktəblilər  qalib gəlir?

İlk baxışdan bunun səbəbi  aşkardır. Çoxları deyə bilər ki, Çin əhalisinin sayına görə ən böyük dövlətdir və təbii ki, riyaziyyat sahəsində istedadlı uşaqlar bu ölkədə çox olmalıdır. Lakin bu, sualın məntiqi cavabı deyil. Əhalisinin sayına görə Çini təqib edən qonşu Hindistan fənn olimpiadalarındakı uğurları ilə öyünə bilməz. Hindli məktəblilər Moskva riyaziyyat olimpiadasında 2 gümüş və 3 bürünc medal qazanıblar.   Qeyd edək ki, Asiya məktəblilərinin beynəlxalq riyaziyyat olimpiadalarındakı uğurları digər fənlər (kimya, fizika  və  informatika) üzrə keçirilən olimpiadalarda da müşahidə  olunur. Cənub-Şərqi Asiya ölkələrindən olan istedadların, eləcə də bu ölkələrdən olan və bir sıra Qərb dövlətlərinin komandalarında iştirak edən iştirakçıların   beynəlxalq elm yarışlarındakı uğurlarını aşağıdakı cədvəldən (cədvəl 1) aydın görmək olar.  Cədvəl son 5 ildə dünyanın ən yaxşı komandalarının çıxışlarını əks etdirir.

Riyaziyyat üzrə beynəlxalq olimpiadada hər il dünyanın 100-ə yaxın ölkəsi iştirak edir və qaliblərə 45 qızıl medal təqdim olunur (cədvəl 1-ə bax).

Cədvəl 1

Bu cədvəlin son 15 il ərzində necə dəyişikliyə uğramasını müşahidə etmək çox maraqlıdır. Dünyanın ən yaxşı komandalarının 1993-1997-ci illər üzrə nəticələrinin  əks olunduğu aşağıdakı cədvəl (cədvəl 2) isə əsasən Avropanın riyaziyyat komandalarının üstünlüyünü əks etdirir.   

Cədvəl 2

...1991-ci ildə diskvalifikasiya olunduğuna görə Koreya Xalq Demokratik Respublikası olimpiadada iştirak etməyib.

Fizika üzrə qaliblərin müəyyən olunması qaydaları fərqlidir. Təqdim olunan qızıl medalların sayı da gümüş medallardan çoxdur. Bu il fizika üzrə keçirilən yarışlarda (80 ölkə iştirak edib) riyaziyyat olimpiadasında olduğu kimi  Çin və Cənubi Koreya hərəsi 5, Sinqapur və Rusiya hərəsi 4, ABŞ, Tayvan, İran və Tailand hərəsi 3 qızıl medal qazanıblar. Qalan 75 ölkənin payına 11 qızıl medal düşüb.

Bu il Moskvada keçirilən Beynəlxalq Kimya Olimpiadasında Çin, Tayvan, Cənubi Koreya, Sinqapur, Ukrayna hərəsi  3, Rusiya, ABŞ, Polşa, Hindistan, Macarıstan və Qazaxıstan hərəsi  2 qızıl medal qazanıblar. Qalan 62 ölkənin payına isə 7 qızıl medal düşüb. Əgər son 5 ilin nəticələrini ümumiləşdirsək, yenə də Asiya ölkələrinin üstünlüyünü görə bilərik (cədvəl 3-ə bax).

Cədvəl 3

İnformatika üzrə keçirilən beynəlxalq yarışlarda  komandalar 4 iştirakçı ilə təmsil olunur. Yarışda 25 ölkə iştirak edir, qaliblərə 25 qızıl medal təqdim olunur. Bu il informatika yarışlarında qızıl medallar belə bölünüb: Çin- 4, Rusiya-3, ABŞ, Cənubi Koreya, Rumıniya, Slovakiya hərəsi 2.

Qızıl medal üzrə son 5 ilin ümumi nəticələri belədir (cədvəl 4):

Cədvəl 4

Bütün bunlardan sonra Cənub-Şərqi Asiya ölkələrində məktəblilərin beynəlxalq olimpiadalardakı uğurlarını şərtləndirən faktorlara diqqət yetirək:  

1. Yüksək fərdi motivasiya. Milli olimpiadalarda əldə olunan qələbələr şagirdlərin nüfuzlu universitetlərə qəbul olunmasını, gələcəkdə yaxşı iş yeri tapmalarını  təmin edir. Güclü rəqabət şəraitində ən yaxşı şagirdlər gün ərzində  uzun müddət işləməklə tələb olunan bilikləri əldə etməyə çalışırlar. Çində 40-50 şagirdin dərs aldığı sinifdə müəllim uşaqlara dərs materialını paylayır, onlar isə dərhal başlarını qaldırmadan verilən tapşırığın öyrənilməsinə başlayırlar. Çində məktəb təhsili I-IX siniflərdə pulsuz, X-XII siniflərdə isə pulludur, buna görə də məktəblilər dərs zamanı bekar dayanmağı özlərinə rəva görmürlər.  Ən yaxşı məktəblərdə müəllimlərin pedaqoji yükü də fərqli təşkil olunub: müəllimlər çox da böyük olmayan auditoriya saatlarında dərs materiallarını çatdırır, günün ikinci yarısında isə icbari qaydada fərdi məsləhətlər aparır.  Avropada hazırda məktəblilərin fərdi motivasiyası olduqca aşağıdır.  Şagirdlərin riyaziyyat sahəsində qabiliyyətləri isə informatika sahəsində özünü göstərir,  çünki burada yüksək nəticələr göstərmək daha asandır (cari ildə beynəlxalq informatika müsabiqəsində qazanılmış 25 qızıl medal 16 ölkə arasında bölüşdürülüb).

2. Cənub-Şərqi Asiya ölkələrinin təbiət elmləri sahəsində yarışlarda öz təmsilçilərinin daha çox uğur qazanması və irəliləməsində maraqlı olmaları.  Hazırda bu ölkələrdə yuxarı sinif şagirdləri üçün təşkil olunan  çoxsaylı beynəlxalq olimpiada və turnirlər keçirilir. Bu zaman dövlət və ya öz məhsulları ilə daha çox tanınan şirkətlər bu yarışların sponsoru qismində çıxış edirlər. Məsələn, o qədər də varlı olmayan  İndoneziya gənclər üçün təbiət elmləri beynəlxalq olimpiadasının (IJSO) təşəbbüskarı kimi çıxış edib, bu ölkənin prezidenti müsabiqənin hər bir iştirakçısını şəxsən salamlayıb. Bir sıra region ölkələrində isə milli komandaların beynəlxalq müsabiqələrdə iştirakının hərtərəfli dəstəklənməsi üçün icbari proqramlar mövcuddur.  

3. Diqqət və intizam. Beynəlxalq Riyaziyyat Olimpiadasının sualları  6 tapşırıqdan ibarətdir. Olimpiadanın hər iki turunda şagirdlərə 3 tapşırıq  təqdim olunur: asan, orta və mürəkkəb.   Şagirdlərin diqqətcil, yığcam, intizamlı, qətiyyətli olmaları, əvvəllər əldə olunmuş biliklərin canlandırılması və səliqəlilik uğur qazanmaqda başlıca rol oynayır.

4. Orta məktəblərdə riyaziyyat və təbiət elmləri sahəsində təhsilin ən yüksək səviyyəsi (bu, ən mühüm mövqe hesab olunur).  Cənub-Şərqi Asiya ölkələrində təbiət-riyaziyyat fənlərinin,  eləcə də humanitar profilli liseylərdə (məsələn, Çin)  öyrənilməsinə artıq miqdarda saat ayrılır. Hər bir statuslu məktəb üçün yaxşı təchiz olunmuş fizika, kimya, biologiya kabinetinin olması mütləqdir. Misal üçün, məhz keyfiyyətli təcrübi avadanlığa malik olan Tayvan məktəblərinin yetirmələri fizika olimpiadalarında digər ölkələrlə müqayisədə daha artıq üstünlüyə malikdir.   Lakin beynəlxalq fənn olimpiadalarında ciddi tərəqqi əldə etmiş Cənubi Koreyanın uğurları daha parlaqdır. Bu ölkədə beynəlxalq fənn olimpiadalarına  hazırlığa cəlb olunmuş ən yaxşı məktəblilər xüsusi yaradılmış internat-məktəblərdə birillik təhsilə dəvət olunurlar. Bu məktəblər ümumi təhsilin səviyyəsinə görə ən yüksək tədris göstəricilərinə malikdir. Ölkənin demək olar ki, bütün məktəblərində təhsilin ən yüksək keyfiyyəti təmin olunub.    Bu isə bütün istedadlı məktəbliləri ayırd etməyə imkan yaradır.

5. Beynəlxalq yarışlara peşəkar hazırlıq məşqləri. Gənc istedadların dünya bilik yarışlarında iştirakı onların hərtərəfli hazırlığını, eləcə də onlar üçün icbari qaydada treninqlərin keçirilməsini tələb edir. İlkin mərhələdə tədris-məşq toplantılarının keçirilməsində xarici təcrübəni (ilk növbədə Sovet İttifaqı, Rusiya və Şərqi Avropa dövlətləri) əsas götürən Asiya ölkələri, eləcə də ABŞ tədricən özlərinin elmi-tədris-metodik məktəblərini yaradıblar. Bundan əlavə, beynəlxalq riyaziyyat olimpiadalarında uğura can atan Asiya ölkələri istedadlı uşaqlarla işləmək üçün Şərqi Avropadan təlimçilər dəvət ediblər. Məktəblilərin beynəlxalq olimpiadalara hazırlığı işi bu ölkələrdə prestijli və yüksəkmaaşlı iş hesab olunur. 

Copyright  ©  All Rights Reserved.
Created and supported by Mehman Shafagatov