|
Bu günlərdə Hacıqabul rayonu Ə.Ağayev adına Kolanı kənd
tam orta məktəbində xalq yazıçısı, professor, tarixi
romanlar ustadı Əzizə Cəfərzadənin yaradıcılığına həsr
olunmuş tədbir keçirilib.
Tədbiri giriş sözu ilə açan məktəbin direktoru Arifə
Əliyeva ədibin həyat və yaradıcılığı haqqında məlumat
verib.
Məktəbin tarix müəllimi, dahi sənətkarın qohumu
Z.İbrahimov çıxış edərək Əzizə Cəfərzadə yaradıcılığının
çoxşaxəli olduğunu, tariximizi öyrənmək baxımından böyük
əhəmiyyət kəsb etdiyini bildirib. Qeyd olunub ki,
tariximizin müxtəlif dövrlərini əhatə edən romanlar
müəllifi olan ədib milli mənəvi dəyərlərin,
adət-ənənələrimizin gözəl bilicisi kimi öz əsərləri ilə
ədəbiyyatımızda layiqli yerini tutub. O, uzun illər
Azərbaycan qadınlarını birləşdirən dövlət komitəsinə
rəhbərlik etdiyi dövrdə öz mənəvi keyfiyyətləri ilə
xalqımızın xatirəsində silinməz izlər buraxıb.
Müəllimlərdən Hüsən Usubov, İradə Həmidova, Xuraman
Xəlilova, Azadə Səmədova çıxışlarında xalq yazıçısı
Əzizə Cəfərzadənin əsərləri barədə ətraflı məlumat
veriblər.
Sonda məktəbin IX sinif şagirdləri İlahə Zeynalova,
Qızbikə Babayeva, Ayət Zeynalov və Emil Xankişiyev
yazıçının "Aləmdə səsim var mənim" əsərindən
hazırladıqları səhnəcikləri yüksək səviyyədə nümayiş
etdiriblər.
Zaur FATEH,
Hacıqabul rayonu Ə.Ağayev adına Kolanı kənd tam orta
məktəbinin müəllimi |
