|
Oktyabrın 22-də Təhsil Problemləri İnstitutunun
direktoru Qulu Novruzov Azərbaycan Respublikası Təhsil
Nazirliyinin Təhsil Sektorunun İnkişafı üzrə İkinci
Layihənin "Kurikulum islahatının davam etdirilməsi və
kurikulumun tətbiqinə dəstək" və "Müəllimlərin
ixtisasartırma təliminin təkmilləşdirilməsi"
komponentləri üzrə beynəlxalq baş məsləhətçi Aleksandru
Krisanla görüşüb, Azərbaycanda təhsil islahatlarının
gedişi, bu prosesdə institutun iştirakı və gördüyü
işlərlə bağlı müzakirə keçirib. Müzakirədə Azərbaycan
təhsilinin bəzi problemləri, o cümlədən təhsil
proqramlarının (kurikulumların) hazırlanması,
qiymətləndirmə mexanizmlərinin yaradılması, tətbiqi,
qarşıya çıxan çətinliklər, onların aradan qaldırılması,
müəllim kadrlarının hazırlanması və onun keyfiyyətinin
yüksəldilməsi kimi məsələlər diqqət mərkəzində
saxlanılıb. Həmçinin gələcəkdə Təhsil Problemləri
İnstitutunun fəaliyyətinin daha da təkmilləşdirilməsi
barədə fikir mübadilələri aparılıb. |
