|
"Gəncliyə dəstək" İctimai Birliyi Azərbaycan
Respublikasının Prezidenti yanında Gənclər Fondunun
dəstəyi ilə Zərdab rayonunda "İdman tütünə qarşı" adlı
layihənin icrasına start verib. Layihənin məqsədi
bütövlükdə cəmiyyətin sağlamlığını qorumaq naminə
gənclərin zərərli vərdişlərdən uzaqlaşdırılması və
sağlam həyat tərzinin təbliğidir.
Layihə çərçivəsində rayon sakinləri arasında geniş
məlumatlandırma və maarifləndirmə işi aparılması
məqsədilə tədris, tərbiyə, səhiyyə, mədəniyyət
obyektləri yaxınlığında, həmçinin uşaq və yeniyetmələr
üçün malların satıldığı yerlərdə siqaret satışının
qadağan olunmasını xatırladan lövhələr, banerlər
yerləşdiriləcək və əhaliyə bukletlər paylanılacaqdır.
Bundan başqa, məktəblilər arasında "İdman tütünə qarşı"
devizi altında yarışlar təşkil olunacaq və həmin idman
tədbirlərində tütünün fəsadları, zərəri barədə
məlumatlar veriləcək, idmanın insanın həyatındakı
əhəmiyyətli rolundan danışılacaqdır.
S.HÜSEYNQIZI |
