|
Bilik Günündə Astara rayonunda yeni məktəb binalarının
açılışı olmuşdur. Astara Rayon Təhsil Şöbəsinin müdiri
Qisbəs Məmmədova bildirmişdir ki, Bilik Günündə rayonun
Şüvi, Vaqo, Siyakü, Əsxənakəran, Hamoşam kənd tam orta
və Rudəkənar kənd ümumi orta məktəblərinin kollektivləri
müasir üslubda tikilmiş məktəb binalarında dərsə
başlamışlar.
Yeni məktəb binalarının açılış mərasimlərində rayonun
rəhbər işçiləri, professor Südeyif İmamverdiyev, Milli
Məclisin deputatı Aslan Cəfərov, ictimaiyyət
nümayəndələri iştirak etmişlər.
Çıxışlarda bildirilmişdir ki, regionların
sosial-iqtisadi inkişafına dair ikinci Dövlət
Proqramında müəyyən edilmiş tədbirlər planı çərçivəsində
inşa edilmiş məktəblərdə şagirdlərin yüksək səviyyədə
təhsil almaları üçün hər cür şərait yaradılmışdır.
Qeyd olunmuşdur ki, Astara rayonunda təhsilin
maddi-texniki bazasının möhkəmləndirilməsi daim diqqət
mərkəzindədir. Son 10 ildə rayonda 30 yeni məktəb binası
tikilmiş, 13 təhsil ocağı əsaslı təmir olunmuşdur.
Hazırda 3 məktəbin tikintisi davam etdirilir.
Tədbir iştirakçıları ölkəmizdə təhsilin inkişafına, onun
maddi-texniki bazasının möhkəmləndirilməsinə və təhsil
işçilərinin sosial vəziyyətinin yaxşılaşdırılmasına
göstərilən diqqət və qayğıya görə Prezident İlham
Əliyevə minnətdarlıqlarını bildirmişlər.
Ş.CƏFƏROV |
