|
 Sentyabrın
16-da Azərbaycan Müəllimlər İnstitutunda Bilik Günü
münasibətilə tədbir keçirilmişdir. İlk növbədə
institutun rəhbərliyi, professor-müəllim heyəti və
tələbələr ulu öndərin xatirəsinə yaradılmış Heydər
Əliyev Mərkəzini ziyarət etmiş, ulu öndərin büstü önünə
əklil qoymuşlar.
İnstitutun rektoru, Milli Məclisin deputatı, professor
A.Naxçıvanlı giriş sözü ilə çıxış edərək bütün professor-müəllim
heyətini və tələbələri Bilik Günü və 2013-2014-cü tədris
ilinin başlanması münasibətilə təbrik etmiş, onlara
uğurlar arzulamışdır. Rektor bildirmişdir ki, ümummilli
liderimiz Heydər Əliyev təhsili millətin gələcəyi
adlandırır, Azərbaycanın gələcəyini gənclərdə görürdü.
Ulu öndər həmişə müəllim əməyini yüksək qiymətləndirmiş,
"Mən yer üzündə müəllimdən yüksək ad tanımıram"
söyləmişdir. Bu, müəllimlərə verilən ən yüksək qiymətdir.
Hazırda dövlət başçısı cənab İlham Əliyev ulu
öndərimizin əsasını qoyduğu elm və təhsil ənənələrini
uğurla davam etdirir. Bu gün vətənpərvər, savadlı
gənclərin yetişdirilməsində müəllimlərin üzərinə böyük
vəzifə düşür.
Rektor çıxışının sonunda instituta qəbul olmuş bütün
tələbələrin yüksək tədris nəticələri əldə edəcəklərinə
və dövlətçiliyimizə sadiq layiqli vətəndaş kimi
formalaşacağına ümid etdiyini bildirmişdir.
Dövlət himni səsləndirildikdən sonra tədbirdə institutun
təhsilin idarə edilməsi kafedrasının müdiri, professor
Ramiz Məmmədzadə tələbələri və müəllimləri təbrik edərək
qeyd etmişdir ki, təhsil hər bir dövlətin, cəmiyyət
həyatının mühüm bir sahəsidir və cəmiyyət təhsilsiz
inkişaf edə bilməz.
İnstituta yüksək balla daxil olmuş tələbələrdən Fidan
Mirzəli və Minayə Əhmədzadə çıxış edərək öz təbriklərini
çatdırmış, sevinclərini tədbir iştirakçıları ilə
bölüşmüşlər. Bu il tələbə adına layiq görülmüş Günay
Kərəməliyevanın valideyni Aydın Kərəməliyev, Səbinə
Zeynalovanın valideyni İradə Zeynalova institut haqqında
eşitdikləri müsbət fikirlərin onlarda bu təhsil ocağına
maraq yaratdığını qeyd etmiş, övladlarının məhz bu
instituta daxil olduqları üçün sevinc hissi
keçirdiklərini bildirmişlər.
AMİ-nin 2013-cü il məzunu və hazırda ibtidai təhsilin
pedaqogika və metodikası ixtisası üzrə I kurs
magistrantı Fatimə Qaraşixova çıxış edərək dörd il ali
təhsil alaraq məzun olduğu institutun magistratura
pilləsinə daxil olduğunu və seçim zamanı bir daha
Azərbaycan Müəllimlər İnstitutuna çox böyük həvəs və
istəklə üstünlük verdiyini qeyd etmiş, əldə etdiyi
nailiyyətlərdən danışmış, tələbə və magistrantlara
uğurlar arzulamışdır.
AMİ-nin Mətbuat xidməti |
