|
Heydər Əliyev Mərkəzi 2013-2014-cü dərs ilində
məktəblilər üçün yeni layihə həyata keçirməyə
başlamışdır.
Layihənin əsas məqsədi gənc nəslin milli mənəvi dəyərlər
və ənənələrlə, tarixi keçmişinə bağlı ruhda böyüməsini,
ölkəmiz haqqında bilik və məlumatlarının artırılmasını,
çağdaş dünya mədəniyyəti barədə təsəvvürünün
formalaşmasını təmin etməkdir.
Layihəyə əsasən, məktəblilərin Heydər Əliyev Mərkəzinə
qrup şəklində ekskursiyası təşkil olunacaq. Şagirdlər 3
saat ərzində öncə Mərkəzin binası ilə tanış olacaqlar.
Sonra Heydər Əliyev Muzeyində Azərbaycan xalqının
ümummilli lideri Heydər Əliyevin həyat və fəaliyyəti
barədə məlumat alacaq, Mərkəzdəki sərgilərə baxacaq,
müxtəlif oyun və müsabiqələrdə iştirak edəcəklər.
Ekskursiya zamanı hər yaş qrupu üzrə fərqli interaktiv
təlim proqramı təşkil olunacaq. Sonda şagirdlərə
ekskursiyadan xatirə kimi hədiyyələr təqdim ediləcək.
Hicran ƏKBƏROVA |
