|
Qəbələ şəhərində Avropa Azərbaycan Cəmiyyətinin
təşkilatçılığı ilə "İbtidai təhsil-yeni baxışlar,
təcrübələr və perspektivlər" mövzusunda konfrans
keçirilmişdir. Konfransda respublikamızın müxtəlif
məktəblərindən iştirak etmiş 25 ibtidai sinif müəllimi
Avstraliya, Türkiyə, Böyük Britaniya və Ukraynadan olan
həmkarları ilə təcrübələrini bölüşmüşdür. Dünyanın 28
ölkəsində tətbiq olunan peşəkarlıq standartları,
ibtidai sinif müəllimlərinin peşəkar keyfiyyətləri,
Azərbaycanda yeni dərslik siyasəti, onun
formalaşması və həyata keçirilməsində orta məktəb
müəlliminin rolu və digər mövzular konfransda
müzakirə olunmuşdur. Vurğulanmışdır ki, qarşılıqlı
təcrübə mübadiləsi onların hər biri üçün dəyərli
olacaqdır. |
