|
Ağstafa şəhərindəki 3 nömrəli tam orta məktəbin idman
zalında yeniyetmələr arasında sərbəst güləş üzrə açıq
rayon birinciliyi keçirilmişdir. Birinciliyə Ağstafadan
əlavə üç rayonun idmançıları qatılmışdılar. Bu, turnirin
daha maraqlı və gərgin mübarizə ruhunda keçməsinə şərait
yaratmışdır. Turnirdə Ağstafa, Tovuz, Qazax, Goranboy
rayonlarından 120 yeniyetmə idmançı öz qüvvəsini
sınamışdır. Yekun xal hesabı ilə Ağstafa komandası
birinci yeri tutmuşdur. Qazax, Goranboy idmançıları isə
ikinci, üçüncü yerləri bölüşmüşlər. Qalib komandanın
idmançılarına həvəsləndirici mükafatlar təqdim
olunmuşdur.
Sifai SƏFƏROVA |
