|
44-cü Beynəlxalq Fizika Olimpiadası
İyulun 7-dən 15-dək Danimarkanın paytaxtı Kopenhagen
şəhərində 44-cü Beynəlxalq Fizika Olimpiadası
keçirilmişdir. Nils Bor İnstitutu və Danimarka Texniki
Universitetinin bazasında keçirilən olimpiadada
dünyanın 83 ölkəsindən 380-dən çox məktəbli iştirak
etmişdir. Rusiya olimpiadada 5 şagirddən ibarət komanda
ilə təmsil olunmuş və onlardan 4-ü qızıl, biri isə gümüş
medal almışdır.
Balların cəminə görə qalib macar məktəblisi Attila hesab
olunmuşdur. Qeyri-rəsmi komanda hesabında I yeri Çin
qazanmışdır. Cənubi Koreya II, Rusiya isə III olmuşdur.
1967-ci ildən bəri keçirilən bu beynəlxalq bilik
yarışmasında Çin və Macarıstan komandaları daha çox
qələbə qazanmışlar.
2014-cü ildə məktəblilərin fizika üzrə beynəlxalq
yarışması Qazaxıstanın paytaxtı Astanada keçiriləcək.
24-cü
Beynəlxalq Biologiya Olimpiadası
İyulun 14-dən 21-dək İsveçrənin paytaxtı Bern şəhərində
məktəblilərin 24-cü Beynəlxalq Biologiya Olimpiadası
keçirilmişdir. Olimpiadada 62 ölkədən 241 məktəbli
iştirak etmişdir.
Olimpiadanın yekunlarına əsasən, komanda zaçotunda ilk
beş yeri müvafiq olaraq ABŞ, Sinqapur, Tailand, Almaniya
və Rusiya tutmuşlar.
15 yaşdan yuxarı məktəblilərin qatıldığı bu beynəlxalq
yarışmada iştirakçılar nəzəri və praktik sınaqların
keçirilməsini nəzərdə tutan fərdi zaçot nəticələri üzrə
qiymətləndirilirlər. Nəzəri və praktik turlar
biologiyanın əsas sahələrinə, o cümlədən hüceyrə
biologiyası, molekulyar biologiya, bitkilərin anatomiya
və fiziologiyası, heyvanların anatomiya və
fiziologiyası, etologiya, genetika və təkamül,
ekologiyaya aid tapşırıqları əhatə edir.
Qızıl medallar ən yaxşı 10 faiz iştirakçıya, gümüş və
bürünc medallar isə müvafiq olaraq 20 və 30% iştirakçıya
verilir.
Biologiya üzrə növbəti beynəlxalq olimpiadaların
İndoneziyada (2014-cü ildə), Danimarkada (2015),
Vyetnamda (2016), Böyük Britaniyada (2017), İranda
(2018) keçirilməsi nəzərdə tutulub.
54-cü Beynəlxalq Riyaziyyat Olimpiadası
Beynəlxalq Riyaziyyat Olimpiadası hər il yuxarı sinif
şagirdləri arasında riyaziyyat üzrə keçirilən dünya
çempionatıdır.
Sayca 54-cü olan builki çempionat iyulun 18-29-u
tarixlərində Kolumbiya Respublikasının Santa-Mart
şəhərində keçirilmişdir. Olimpiadaya dünyanın 97 ölkəsi
öz komandasını göndərmişdir. Bir qayda olaraq yarış 2
gün davam edir və onun gedişində iştirakçılar 6 məsələ
həll etməlidirlər. Hər məsələ üçün maksimum qiymət 7 bal
təşkil edir. Bu baxımdan hər bir iştirakçı maksimum 42
bal yığa bilər.
54-cü Beynəlxalq Riyaziyyat Olimpiadasında qeyri-rəsmi
komanda zaçotunda Çin komandası birinci olmuşdur. Çin
komandasının üzvləri toplam 208 bal yığmışdır. Cənubi
Koreya komandası 204 balla II, ABŞ komandası 190 balla
III olmuşdur. 187 bal yığan Rusiya komandası olimpiadada
4-cü nəticə göstərmişdir. Ruslar 4 qızıl medal əldə
etmişlər.
Y.ƏLİYEV |
