|
 Kiçikyaşlı
uşaqların sevimli jurnalı olan "Göyərçin"in 6-cı, 7-ci
və 8-ci nömrələri artıq çapdan çıxmışdır. Jurnalın bu
nömrələri öz nəfis tərtibatı, dərc olunmuş yazılarının
mövzu və janr rəngarəngliyi ilə seçilir.
Jurnalın 6-cı nömrəsində bir-birindən maraqlı
"Tapmacalar ölkəsi", "Qumru yuvası və babanın yeni
nəvələri" və s. kimi nağıllar, müxtəlif şeirlər dərc
olunmuşdur. 7-ci nömrədə isə əsasən əfqan xalq
nağıllarına üstünlük verilmiş və nağıllar rəngarəng
rəsmlərlə balaca oxuculara təqdim olunmuşdur. Jurnalın
8-ci nömrəsi də əvvəlki nömrələr qədər oxunaqlı,
diqqətçəkəndir. Burada sevimli şairimiz Rafiq
Yusifoğlunun tərcümələri əsasında "Azman və qardaşlar",
"Leopard və Antilop" və digər nağıllar işıq üzü
görmüşdür.
İnanırıq ki, jurnalın hər 3 nömrəsi balacaların çox
xoşuna gələcəkdir.
Niyazi RƏHİMOV |
