|
İyulun 25-dən avqustun 7-dək 2013-2014-cü tədris ilində
ümumi təhsil və ilk peşə-ixtisas təhsili müəssisələrinə
müəllimlərin işə qəbuluna dair test imtahanları
keçiriləcək.
Test imtahanlarının keçirilmə vaxtı barədə məlumat və
iştirakçılar üçün "Yaddaş" hər bir müsabiqə
iştirakçısının şəxsi səhifəsinə göndərilmişdir.
İyulun 25-də Azərbaycan dili və ədəbiyyat müəllimi
ixtisası üzrə imtahan keçirilmişdir. Bu fənn üzrə 296
vakant yerə 2589 namizəd iştirak edir.
Test imtahanları Azərbaycan Dövlət İqtisad
Universitetinin Bakı şəhəri, İstiqlaliyyət küçəsi, 6
ünvanında yerləşən əsas korpusunda keçirilir.
Test imtahanına 1 saat vaxt verilir. Bu müddət ərzində
namizəd ixtisas üzrə ümumi təhsil proqramını əhatə edən
25, məntiqdən, fənnin tədrisi metodikası və təlim
strategiyalarının hər birindən 5 olmaqla, 35 sualı
cavablandırmalıdır. İmtahan başa çatdıqdan sonra
monitorda düzgün cavabların sayı qeyd olunur.
İmtahanın gedişi videolentə alınır. Qaydaları pozan
(mobil telefondan, əlavə vəsaitlərdən, başqasının
monitorundan istifadə edən, imtahanın gedişinə mane
olan) şəxslər imtahandan xaric olunacaq və nəticəsi ləğv
ediləcək.
Test imtahanlarından uğurlu nəticə əldə edənlər üçün
12-16 avqust 2013-cü il tarixlərində müsahibə təşkil
olunacaq və onların şəxsi səhifəsinə bu barədə məlumat
göndəriləcək. Müsahibə proqramı Təhsil Nazirliyinin
rəsmi İnternet saytında "Müəllimlərin işə qəbulu"
səhifəsində yerləşdirilmişdir. |
