|
Litvanın Neringa şəhərində incəsənət sahələri üzrə
keçirilən "Baltic voice" beynəlxalq musiqi festivalında
gənc azərbaycanlı musiqiçi Səid İsmayılzadə solo ifasına
görə ikinci yerə layiq görülmüşdür.
Litva, Latviya, Estoniya, Azərbaycan və Belarusun məşhur
universitetlərindən tanınmış professorların, mədəniyyət
xadimlərinin daxil olduqları münsiflər heyəti festivalda
həmyerlimizin çıxışını yüksək qiymətləndirmişdir. Səid
İsmayılzadənin ifası festival iştirakçılarının, litvalı
və digər əcnəbi musiqisevərlərin də böyük marağına səbəb
olmuşdur.
10-dan çox ölkə musiqiçisinin qatıldığı bu mötəbər
yarışmada uğur qazanmış azərbaycanlı gənc Üzeyir
Hacıbəyli adına Bakı Musiqi Akademiyasının məzunudur.
S.HÜSEYNQIZI |
