|
Bu günlərdə Astara Rayon Gənclər Evində "Narkotiklərə
yox deyək!" devizi altında seminar-treninq keçirilmişdir.
Astara Rayon İcra Hakimiyyətinin, gənclər və idman
idarəsinin birgə təşkilatçılığı ilə təşkil olunan
tədbirdə Astara Pedaqoji Kollecinin tələbələri, rayonun
ümumtəhsil məktəblərinin yuxarı sinif şagirdləri,
müəllimlər və başqaları iştirak etmişlər.
Seminar-treninqdə çıxış edənlər narkomaniyanın və digər
zərərli vərdişlərin insanın fiziki, mənəvi, sosial
vəziyyətinə təsirləri barədə danışmış, əsrin bəlasına
qarşı mübarizədə bütün qüvvələrin səfərbər olmasının
vacibliyini qeyd etmişlər.
Sonda treninq iştirakçılarına "Narkotiklərsiz XXI əsr"
adlı bukletlər paylanılmış və astaralı gənclərin
narkomaniya ilə mübarizəyə həsr etdikləri rəsm
əsərlərindən ibarət sərgiyə baxış olmuşdur.
Samirə KƏRİMOVA |
