|
 İyunun
13-17-də Fransanın paytaxtı Paris şəhərində veteran
cüdoçular arasında Avropa çempionatı keçirilmişdir. 34
ölkədən 940 kişi, 125 qadın olmaqla 1065 cüdoçunun
iştirak etdiyi yarışlarda ölkəmizi 13 nömrəli
İxtisaslaşdırılmış Olimpiya Ehtiyatları Uşaq-Gənclər
İdman Məktəbinin məşqçi-müəllimi Vüqar Hüseynov təmsil
etmişdir. O, yarışların ikinci günü 60 kq çəki
dərəcəsində tatami üzərinə çıxaraq güclü fransız
rəqiblərinə qalib gələrək finala yüksəlmişdir. 31 il
cüdo müəllimi kimi fəaliyyət göstərən, 45-ə yaxın
yetirməsi olan təcrübəli cüdoçu V. Hüseynov final
oyununda ingilis idmançısı ilə qarşılaşmış, hakimlərin
qeyri-obyektivliyi üzündən gümüş mükafatla
kifayətlənmişdir.
Xatırladaq ki, 2010-cu ilin 27-30 may tarixlərində
veteran cüdoçular arasında Macarıstanda keçirilmiş Dünya
çempionatında da ölkəmizi təmsil edən V. Hüseynov III
yeri tutmuşdur.
Rəşad ZİYADOV |
