|
 Sumqayıt
Dövlət Universitetində AMEA-nın Mikrobiologiya
İnstitutu, Gürcüstan Mikrobiologiya Cəmiyyəti, Sumqayıt
Dövlət Universiteti və Azərbaycan Mikrobiologiya
Cəmiyyətinin birgə keçirdiyi "Mikrobiologiya və
ekologiya: inteqrasiya yolları, problem və
perspektivlər" mövzusunda II Beynəlxalq konfransın yekun
tədbiri keçirilmişdir.
Tədbirdə çıxış edən Sumqayıt Dövlət Universitetinin
rektoru, professor Nadir Qəhrəmanov bildirmişdir ki,
konfransın işində Rusiya, Gürcüstan, Qazaxıstan,
Özbəkistan və Ukraynadan olan qonaqlar iştirak edirlər.
Rektor qeyd etmişdir ki, SDU-da beynəlxalq konfransların
keçirilməsi artıq bir ənənəyə çevrilmişdir. Bu cür
konfransların yeni elmi axtarış və tapıntılara, təcrübə
mübadiləsinə yol açdığını vurğulayan N.Qəhrəmanov bu
konfransın da əhəmiyyətini diqqətə çatdırmışdır.
Daha sonra Gürcüstan Mikrobiologiya Cəmiyyətinin sədri
Zurab Lomtadidze mövzu ilə bağlı məruzə etmişdir.
Qeyd edək ki, konfrans iki gün ərzində davam etmişdir.
Konfransın ilk günündə SDU-nun prorektoru, professor
Yadigar Hüseynovun, AMEA-nın Mikrobiologiya İnstitutunun
direktoru Məmməd Salmanovun, Gürcüstan Mikrobiologiya
Cəmiyyətinin sədri Zurab Lomtadidzenin çıxışları və
plenar iclaslarda məruzələr dinlənilmişdir.
Niyazi RƏHİMOV |
