|
Beyləqan Rayon Təhsil Şöbəsindən aldığımız məlumata görə,
rayon mərkəzində inşa olunan şahmat məktəbində artıq
son tamamlama işləri başa çatmaq üzrədir. Məktəbin ümumi
tikinti sahəsi 520, ərazisi isə 1600 kvadratmetrdir.
İkimərtəbəli məktəb binası 3 sinif, müəllimlər otağından,
xidməti otaqlardan, konfrans və yarış zallarından
ibarətdir. Məktəbin lazımi avadanlıqlarla və sürətli
İnternetlə təmin edilməsi nəzərdə tutulmuşdur. Artıq
məktəbin həyətində abadlıq işləri aparılır, ağac və gül
kolları əkilir. Yaxın günlərdə binanın istifadəyə
verilməsi nəzərdə tutulmuşdur.
Sifai SƏFƏROVA |
