|
Rusiya ali məktəblərinin tələbələri yay tətili dövründə
işləməyə üstünlük verirlər. Ali məktəblərin tələbələri
arasında aparılmış sorğuya əsasən, tələbələrin 82 faizi
yay tətilində işləməyə hazırlaşır. Respondentlərin 36
faizi təcrübə keçməyə, 29 faizi özünü idmana həsr
etməyə, digərləri istirahətə və ya ev təmiri ilə məşğul
olmağa meyl edir. Tələbələrin əksəriyyəti (32 faiz) öz
ixtisasları üzrə işləmək arzusundadır. Hər yeddi
tələbədən biri satıcı və satış meneceri işləmək istəyir.
Onlardan 27 faizi yaxın 2 ay ərzində harada
işləyəcəklərini təsəvvür edə bilmir. Rəyi soruşulanların
95 faizi ölkəni tərk etməyəcəyini, yalnız 5 faizi yay
tətili dövründə xaricdə işləməyi planlaşdırdığını
demişdir. Sorğuda Rusiya ali məktəblərinin 1298
tələbəsi iştirak etmişdir.
"Uçitelskaya qazeta"dan
Hazırladı: Oruc MUSTAFAYEV |
